O sacrosanctum sancti Laurentii tropaeum qui in ignem missus ustus est ne ureretur duplici flamma et foris in corpore et intus flagrat in mente

Confitebor tibi domine rex et collaudabo te quoniam liberasti me a pressura flammae quae circumdedit me et in medio ignis non sum aestuatus

Venite adoremus regem regum qui beatum hodie coronavit Laurentium

Quo progrederis sine filio pater quo sacerdos sancte sine ministro properas

Beatus Laurentius dixit

Noli me derelinquere pater sancte quia thesauros tuos jam expendi quos tradidisti mihi

Quid in me ergo displicuit tibi pater

Non ego te desero fili neque derelinquo sed majora tibi debentur pro fide Christi certamina

Beatus Sixtus dixit

Levita Laurentius bonum opus operatus est qui per signum crucis caecos illuminavit et thesauros ecclesiae dedit pauperibus

Dispersit dedit pauperibus justitia ejus manet in saeculum saeculi

Puer meus noli timere quia ego tecum sum dicit dominus dum transieris per ignem flamma non nocebit te et odor ignis non erit in te

Liberabo te de manu pessimorum et eruam te de manu fortium

Quo progrederis sine filio pater quo sacerdos sancte sine diacono properas tu numquam sine ministro sacrificium offerre consueveras

Quid in me ergo displicuit tibi pater numquid degenerem probasti experire certe utrum idoneum ministrum elegeris cui commisisti dominici corporis et sanguinis consecrationem

Gloria patri et filio et spiritui sancto

Beatus Laurentius dixit domine Jesu Christe deus de deo miserere mei servi tui

Quia accusatus non negavi nomen sanctum tuum interrogatus te Christe confessus sum

Dixit Romanus ad beatum Laurentium video in te hominem pulcherrimum festina me baptizare

Afferens autem urceum cum aqua misit se ad pedes ejus

Beatus Laurentius dixit mea nox obscurum non habet sed omnia in luce clarescunt

Quia ipse dominus novit quod accusatus non negavi nomen sanctum ejus

Strinxerunt corporis membra posita in craticula subjicientibus prunas insultat levita Christi beate Laurenti martyr Christi intercede pro nobis

Carnifices vero urguentes ministrabant carbones subter cratem ferream

Noli me derelinquere pater sancte quia thesauros tuos jam expendi non ego te desero fili neque derelinquo sed majora tibi debentur pro fide Christi certamina

Nos quasi senes levioris pugnae cursum recipimus te autem quasi juvenem magnum gloriosior de tyranno triumphus exspectat post triduum me sequeris sacerdotem levita

Beatus Laurentius clamavit et dixit deum meum colo et illi soli servio et ideo non timeo tormenta tua

Mea nox obscurum non habet sed omnia in luce clarescunt

Gloria patri et filio et spiritui sancto

Strinxerunt corporis membra posita super craticulam ministrantibus prunas exsultat levita Christi

Carnifices vero urguentes ministrabant carbones subter cratem ferream

Igne me examinasti et non est inventa in me iniquitas

Probasti domine cor meum et visitasti nocte

Interrogatus te dominum confessus sum assatus gratias ago

Gratias ago tibi domine quia hostia Christi fieri merui

In craticula te deum non negavi et ad ignem applicatus te dominum Jesum Christum confessus sum

Probasti domine cor meum et visitasti nocte

Beatus Laurentius dixit ego me obtuli sacrificium deo in odorem suavitatis

Gaudeo plane quia hostia Christi effici merui

Beatus vir Laurentius qui post aurum non abiit nec speravit in thesauris pecuniae fecit enim mirabilia in vita sua

Qui potuit transgredi et non est transgressus et facere mala et non fecit

Gloria patri et filio et spiritui sancto

Laurentius ingressus est martyr et confessus est nomen domini Jesu Christi

Laurentius bonum opus operatus est qui per signum crucis caecos illuminavit

Adhaesit anima mea post te quia caro mea igne cremata est pro te deus meus

Misit dominus angelum suum et liberavit me de medio ignis et non sum aestuatus

Beatus Laurentius orabat dicens gratias tibi ago domine quia januas tuas ingredi merui

In craticula te deum non negavi et ad ignem applicatus te Christe confessus sum probasti domine cor meum et visitasti nocte igne me examinasti et non est inventa in me iniquitas

Stola jucunditatis alleluia Induit dominus hodie militem suum Laurentium

Beatus Laurentius dum in craticula superpositus ureretur ad impiissimum tyrannum dixit assatus sum jam versa et manduca nam facultates ecclesiae quas requiris in caelestes thesauros manus pauperum deportaverunt