Ploremus coram domino cum Maria ut veniam mereamur cum illa

Dum discubuisset in domo Simonis dominus Jesus mundi gloria mulier secum quae erat peccatrix nardi odorifera exhibuit unguenta

Secus pedes domini stans incessanter crine soluto diva vestigia osculatur lacrimis plena

Irrigabat igitur dominicos Jesu pedes fracto quoque alabastro praecipuis odoribus fragrabat domus omnis atque capillorum officio detergebat