Sacram praesentis diei sollemnitatem humili celebremus devotione qua invictus Christi martyr Vincentius tyranno devicto insignem victoriae palmam caelo gaudens intulit

Peracto passionis suae venerando triumpho angelorum cetibus comitatur

Sanctus Vincentius Christi martyr providente superna clementia quae sibi eum praevidebat vas electionis futurum gemina scientia efficacissime claruit

Sanctitate quoque insignis diaconii arce suscepta vices pontificis diligenter exsequebatur

Levita Vincentius dixit beato Valerio si jubes pater sancte responsis judicem aggrediar jam tibi fili carissime divini verbi curam commiseram nunc quoque pro fide qua adstamus responsa committo

Tibi enim gemina scientia pollenti ac superni amoris igne ferventi caelestis olim doctrinae mysterium delegavi

Gloria patri et filio et spiritui sancto

Tanto namque feliciores se esse credebant quanto acriora tyranni supplicia pia longanimitate certassent evincere

Levita Vincentius dixit beato Valerio si jubes pater sancte responsis judicem aggrediar

Jam tibi fili carissime divini verbi curam commiseram nunc quoque pro fide qua astamus responsa committo

Posuisti domine super caput ejus

Ecce jam in sublime agor et omnes principes tuos saeculo altior tyranne despicio nolo gloriam meam minuas nec damna inferas laudi paratus sum enim ad omnia tormenta pro salvatoris nomine sustinenda

Insurge ergo et toto malignitatis spiritu debacchare videbis me dei virtute plus posse dum torqueor quam possis ipse qui torques

Assumptus ex equuleo levita Vincentius atque ad patibulum raptus tortores suos pene praeveniens moras carnificum arguendo ad poenam alacriter properabat

Intrepidus itaque dei athleta candentis ferri machinam ultro conscendit

Christi miles pretiosus levita Vincentius ut tribunal sponte rogum conscendit intrepidus cujus salis crepitantis per corpus minutiae sparsim ibant atque prunae vernabantur sanguine

Inter haec manet immotus ille dei famulus orans Christum in sublime erectis luminibus

Gloria patri et filio et spiritui sancto

Beatus Vincentius cujus jam mens conscia coronae dixit Datiano Hactenus a te habitus sermo de neganda fide peroravit

Nefarium tamen apud christianorum prudentiam esse cognosce deitatis cultum abnegando blasphemare

Profitemur enim christianae religionis nos esse cultores ac unius veri dei permanentis in saecula famulos et testes

Magna est gloria ejus in salutari tuo

Beatus dei athleta Vincentius horrendo clausus ergastulo carceris psalmum deo et hymnum angelorum frequentia relevatus laetus dicebat quorum vallatus caterva venerando fovebatur obsequio et mulcebatur alloquio

Dantur ergo laudes deo altissimo et resonante organo vocis angelicae modulata suavitas procul diffunditur

Agnosce o Vincenti invictissime pro cujus nomine fideliter decertasti ipse tibi coronam praeparatam servat in caelis qui te fecit victorem in poenis

Esto igitur jam securus de praemio quia mox deposito onere carnis nostro eris addendus collegio

Gloriosus dei amicus Vincentius Jesu domini confessione fundatus inter tormentorum supplicia stetit imperterritus ac demum triumphali morte insignis caelos petivit sanguine laureatus

Felici commercio pro terrenis caelestia pro perituris aeterna commutans

Assumptus ex equuleo levita Vincentius atque ad patibulum raptus moras carnificum arguendo ad poenam alacriter properabat

Intrepidus itaque candentis ferri machinam ultro conscendit ac manens immotus erectis in caelum luminibus dominum precabatur

Hinc horrendo carceris clausus ergastulo dei athleta angelorum venerando fovebatur obsequio et mulcebatur alloquio

Agnosce o Vincenti invictissime quia pro cujus nomine fideliter decertasti ipse tibi coronam praeparatam servat in caelestibus

Dantur ergo laudes deo altissimo et resonante organo vocis angelicae modulata suavitas procul diffunditur

Corona aurea super caput ejus

Egregius dei martyr Vincentius diris tormentorum suppliciis pro Christo alacriter superatis ac felicis pugnae agone constanter expleto tandem pretiosa resolutus est morte caelos triumphans spiritum reddidit

Assumptus*

Martyr*

Beatus Vincentius applicatus tormentis alacri vultu dei praesentia roboratus dixit hoc est quod semper optavi et votis omnibus exquisivi

Ingressum summi regis virginis in gremium viderunt patres legis et turba fidelium et principes conjuncti psallentibus et Benjamin adolescentulus in medio juvencularum novae legis tympani striarum

Viatores*

O gloriosum lumen omnium ecclesiarum sole splendidius o vere apostolicum sidus altissimi sancte Paule qui aeterni solis splendorem tenebris gentium infudisti qui in terra positus caelorum secreta petisti et quae non licet homini loqui pervidisti illuc supplices tuos post hujus carnis terminum perducere dignare quos fecisti veritatis lumen agnoscere

Cum autem complacuit ei qui me segregavit ex utero matris meae et vocavit per gratiam suam ut revelaret in me filium suum in gentibus continuo non acquievi carni et sanguini nec abii ad antecessores meos apostolos sed abii in Arabiam et iterum reversus sum Damascum

Surgite cantemus et corde pio vigilemus cum Paulo magno jungi mereamur ut agno

Cum esset Saulus parvulus cogitabat ut parvulus peregit puerilia non opera virilia

Dum lapidatur Stephanus saulus adolescentulus custodit vestes testium martyrem lapidantium

Protomartyr Stephanus orat et ejus precibus Jesus Christus stravit Saulum et erexit sanctum Paulum

In omnem terram*

Saulus nobilis genere ortus Benjamin de semine civis fuit Jerosolomitanus nimis potens et sublimis urbanus

Dilexit malitiam super benignitatem iniquitatem magis quam aequitatem

Saulus adhuc spirans minarum propter cedem christianorum a summis petit epistolas in Damascum ad synagogas

Sedet in insidiis cum divitibus ut interficiat innocentem

Cum accepisset potestatem et satellitum facultatem quasi leo rugiens capere fideles cupiens

Iniquitatem meditatus est in cubilio suo astitit omni viae non bonae

Gloria patri et filio et spiritui sancto

Dum appropinquaret Damasco venit de caelo lux subito Saulus in magna saevitia prostratus est virtute caelica

Comitatus stans tristis nimium audit dicentem dominum Saule Saule quid me persequeris durum est tibi recalcitrare stimulo

Assistentes vocem audientes et penitus neminem videntes timore concussi circumstabant quid facturi essent ignorabant

Constitues eos principes super omnem terram

Respondit Saulus trepide quis es tu domine ego sum Jesus quem tu persequeris o domine dic mihi quid precipis

Desine ab ira et derelinque furorem noli emulari ne maligneris

Surge ait ad illum dominus visita Damascum citius domum Jude ingredere ibi scies quid te oportet facere

Declina a malo et fac bonum inquire pacem et persequere eam

Viatores Saulum acceperunt et in domum Jude perduxerunt apertis oculis nihil vidit et non manducavit neque bibit

Cibavit eum dominus manna vitae qui de petra melle multos satiavit

Gloria patri et filio et spiritui sancto

Ad Ananiam ait dominus surge et vade quantocius in vico recto Saulum quaere ecce enim orat vere

Timens visitare saevissimum Ananias ait ad dominum vir iste quaerit tuos capere et in Jerusalem perducere

Hic habet potestatem alligandi et credentes male tractandi ut lupus rapax quaerit dispergere gregem dominicum et occidere

Nimis honorati sunt amici tui deus

Vade ait dominus et noli tardare amplius quia vas est mihi electionis qui fuit filius perditionis praedicabit nomen meum Emmanuel gentibus et regibus

Annuntiabit nomen domini in Sion et laudem ejus in Jerusalem

Ananias dum intravit Saulum fratrem appellavit dicens Jesus Christus qui te stravit in via hoc mihi mandavit ut imponam tibi manus ut per eum fias sanus

Accipe benedictionem a domino et misericordiam a deo salutari tuo

Dum imponit illi manus surgit Paulus et fit sanus mox sancti spiritus gratia replevit eum et postea a propheta baptizatur et per cibum confortatur

Memoriam fecit mirabilium suorum misericors et miserator escam dedit timentibus se

Gloria patri et filio et spiritui sancto

Post conversionem in Damasco habitabat cum discipulis et confidenter praedicabat Christum natum incarnatum ex Maria virgine crucifixum et damnatum pro suorum crimine

Hanc doctrinam audientes stupefacti et dicentes nonne vir iste illum impugnabat qui nomen Christi invocabat

Paulus nimis convalescebat et Judeos confundebat cum graecis et gentibus disputabat fideles et credentes confortabat

Synagoga quaerebat capere vas electum et interficere sed submissus per murum a fratribus venit Jerusalem quantocius

Barnabas discipulus omnibus narravit quid egisset dominus hi jam non timentes crediderunt et benigne eum susceperunt

O oriens ex alto nos illumina et sedentes in umbra mortis visita et pedes nostros de valle miseriae ad verum montem cum pace dirige per sancti Pauli apostoli merita da nobis Jesu Christe summa gaudia

In Paulo prophetia est impleta quam praedixit patriarcha et propheta Benjamin erit lupus rapax et in praeda nimis capax mane comedet prohibita et sero dividet spolia in sancta ecclesia per sacra officia

Dum imponit*

O oriens*

Tu es vas electionis sancte Paule apostole praedicator veritatis in universo mundo per quem omnes gentes cognoverunt gratiam dei intercede pro nobis ad deum qui te elegit

O admirabile cum aliis

Gaude*

Senex puerum portabat puer autem senem regebat quem virgo peperit et post partum virgo permansit ipsum quem genuit adoravit

Ecce venit ad templum sanctum suum dominator dominus gaude et laetare Sion occurrens deo tuo

Benedicta tu in mulieribus et benedictus fructus ventris tui

Sicut myrrha electa odorem dedisti suavitatis sancta dei genetrix

Ante torum hujus virginis frequentate nobis dulcia cantica dramatis

Diffusa est*

Adorna thalamum tuum Sion et suscipe regem Christum quem virgo concepit virgo peperit virgo post partum quem genuit adoravit

Accipiens Simeon puerum in manibus gratias agens benedixit dominum

Senex puerum portabat puer autem senem regebat quem virgo concepit virgo peperit virgo post partum quem genuit adoravit

Accipiens Simeon*

Responsum acceperat Simeon a spiritu sancto non visurum se mortem nisi videret Christum domini et benedixit deum et dixit nunc dimittis servum tuum in pace quia viderunt oculi mei salutare tuum domine

Lumen ad revelationem gentium et gloriam plebis tuae Israel