Haec est vera fraternitas quae numquam potuit violari certamine qui effuso sanguine secuti sunt dominum contemnentes aulam regiam pervenerunt ad regna caelestia

In circuitu tuo domine lumen est quod numquam deficiet ibi constituisti lucidissimas mansiones ubi requiescunt animae sanctorum

Cum essent in tormentis martyres Christi caelestia contemplantes dicerunt adjuva nos domine ut perficiamus opus tuum sine macula

Martyres Christi inter acerrimos dolores spe gaudentes in tribulatione orabant dominum et dicebant judica domine judicium nostrum et libera nos ab homine iniquo et doloso

Sancti estis dicit dominus multiplicabo numerum vestrum ut oretis pro populo meo in loco isto

Spiritus et animae justorum hymnum dicite deo nostro alleluia alleluia

Justi autem in perpetuum

Isti sunt sancti qui pro lege dei sui morti se tradiderunt et non dubitaverunt ab iniquis interfecti sunt et in aeternum vivent cum Christo agnum secuti sunt et acceperunt palmam

Verbera carnificum non timuerunt sancti dei morientes pro Christi nomine ut heredes fierent in domo domini

Cum vidisset Jesus turbas ascendit in montem et cum sedisset aperiens os suum docebat eos dicens beati pauperes spiritu quoniam ipsorum est regnum caelorum