Angelus domini*

Quod autem cecidit in terram bonam hi sunt qui in corde bono et optimo verbum dei retinent et fructum afferunt in patientia

Adoremus deum quia ipse fecit nos

Locutus est dominus ad Abraham dicens egredere de terra et de cognatione tua et veni in terram quam monstravero tibi et faciam te crescere in gentem magnam

Benedicens benedicam tibi et multiplicabo te

Apparuerunt tres viri Abrahae ad radicem mambre et dixit ad eos domine si inveni gratiam in oculis tuis transite et requiescite in loco isto

Afferam pauxillum aquae ut laventur pedes vestri

Apparuit dominus abram et dixit et ego sum et pactum meum tecum erisque pater multarum gentium nec ultra vocaberis abram sed erit nomen tuum Abraham quia patrem multarum gentium constitui te

Faciam te crescere vehementissime et reges ex te egredientur et statuam pactum meum inter me et te

Dum staret Abraham ad radicem mambre vidit tres pueros descendentes per viam tres vidit et unum adoravit

Dixit dominus ad Abraham ecce Sara uxor tua pariet tibi filium et vocabis nomen ejus Isaac

Visitavit dominus Saram et implevit quod promiserat que concepit et peperit filium in senectute sua tempore quo predixerat ei deus

Vocavitque Abraham nomen filii sui Isaac quem peperit ei Sara

Tentavit deus Abraham et dixit ad eum tolle filium tuum quem diligis Isaac et offerres illum ibi in holocaustum super unum montium qui dixero tibi

Immola deo sacrificium laudis et redde altissimo vota tua

Angelus domini vocavit Abraham dicens ne extendas manum tuam super puerum eo quod timeas dominum

Et benedicentur in te omnes tribus terrae

Vocavit angelus domini Abraham de caelo dicens benedicam tibi et multiplicabo te sicut stellas caeli

Et benedicentur in te omnes tribus terrae quia oboedisti voci meae

Miserere mei fili David quid vis ut faciam tibi domine ut videam

Deus domini mei Abraham dirige viam meam ut cum salute revertar in domum domini mei

Obsecro domine fac misericordiam cum servo tuo

Veni hodie ad fontem aquae et oravi dominum dicens domine deus Abraham tu prosperum fecisti desiderium meum

Igitur puella cui dixero da mihi aquam de hydria tua ut bibam et illa dixerit bibe domine nam et camelis tuis potum tribuam ipsa est enim quam praeparavit dominus filio domini mei

Orta autem fame super terram abiit Isaac ad regem Palestinorum Abimelech in Gerara cui apparens dominus ait ne descendas in Aegyptum sed quiesce in terra quam dixero tibi et peregrinare in ea eroque tecum et benedicam tibi

Tibi enim et semini tuo dabo has regiones complens pactum quod habui cum Abraham patre tuo

Caecus sedebat secus viam transeunte domino et exclamavit ad eum ait illi dominus quid vis ut faciam tibi rabboni ut videam lumen

Et qui praeibant increpabant eum ut taceret ipse vero multo magis clamabat

Secundum multitudinem miserationem tuarum domine dele iniquitatem meam

Deus meus es tu et confitebor tibi deus meus es tu et exaltabo te

Ad te de luce vigilo deus ut videam virtutem tuam

Hymnum dicite et superexaltate eum in saecula benedicite

Omnes angeli ejus laudate dominum de caelis

Ego dixi d*

Dum appropinquaret Jericho caecus quidam interrogabat quid hoc esset dixerunt autem ei quod Jesus Nazarenus transiret et clamabat dicens Jesu fili David miserere mei

Transeunte domino clamabat caecus ad eum miserere mei fili David

Miserere mei*

Caecus sedebat secus viam et clamabat miserere mei fili David

Caecus magis ac magis clamabat ut eum dominus illuminaret

Iter faciente Jesu dum ambularet Jericho caecus clamabat ad eum ut lumen recipere mereretur