Scitote quia prope est regnum dei amen dico vobis quia non tardabit

Levate capita vestra ecce appropinquabit redemptio vestra

Dum ortus fuerit sol de caelo videbitis regem regum procedentem a patre tamquam sponsus de thalamo suo

Completi sunt dies Mariae ut pareret filium suum primogenitum

Judaea et Jerusalem nolite timere cras egrediemini et dominus erit vobiscum

Constantes estote videbitis auxilium domini super vos

A solis ortus*

Hodie scietis R. Quia veniet dominus et mane videbitis gloriam ejus

Cum esset desponsata mater Jesu Maria Joseph antequam convenirent inventa est in utero habens quod enim in ea natum est de spiritu sancto est alleluia

Memento salutis*

Christus natus est nobis venite adoremus

Agnoscat omne saeculum*

Dominus dixit ad me filius meis es tu ego hodie genui te

Tamquam sponsus dominus procedens de thalamo suo

Diffusa est gratia in labiis tuis propterea benedixit te deus in aeternum

Rex omnis terrae deus venit psallite sapienter

Suscepimus deus misericordiam tuam in medio templi tui

Orietur diebus domini abundantia pacis et dominabitur

Tamquam sponsus R. Dominus procedens de thalamo suo

Hodie nobis caelorum rex de virgine nasci dignatus est ut hominem perditum ad regna caelestia revocaret gaudet exercitus angelorum quia salus aeterna humano generi apparuit

Gloria in excelsis deo et in terra pax hominibus bonae voluntatis

Hodie nobis de caelis pax vera descendit hodie per totum mundum melliflui facti sunt caeli

Gloria in excelsis deo*

Quem vidistis pastores dicite annuntiate nobis in terris quis apparuit natum vidimus in choro angelorum salvatorem dominum

Natus est nobis hodie salvator qui est Christus dominus in civitate David

Descendit de caelis missus ab arce patris introivit per aurem virginis in regionem nostram indutus stola purpurea et exivit per auream portam lux et decus universae fabricae mundi

Tamquam sponsus dominus procedens de thalamo suo

Gloria patri et filio et spiritui sancto sicut erat in principio et nunc et semper et in saecula saeculorum amen

Veritas de terra orta est et justitia de caelo prospexit

Homo natus est in ea et ipse fundavit eam altissimus

Laetentur caeli et exsultet terra ante faciem domini quoniam venit

In principio et ante saecula deus erat verbum ipse natus est nobis salvator mundi

Notum fecit dominus alleluia salutare suum alleluia

Nato domino angelorum chori canebant dicentes salus deo nostro sedenti super thronum et agno

Speciosus forma R. Prae filiis hominum diffusa est gratia in labiis tuis

O magnum mysterium et admirabile sacramentum ut animalia viderent dominum natum jacentem in praesepio beata virgo cujus viscera meruerunt portare dominum Christum

Domine audivi auditum tuum et timui consideravi opera tua et expavi in medio duum animalium

Beata dei genetrix Maria cujus viscera intacta permanent hodie genuit salvatorem saeculi

Beata et venerabilis virgo quae sine tactu pudoris inventa est mater salvatoris

Beata viscera Mariae virginis quae portaverunt aeterni patris filium et beata ubera quae lactaverunt Christum dominum quia hodie pro salute mundi de virgine nasci dignatus est

Dies sanctificatus illuxit nobis venite gentes et adorate dominum

Sancta et immaculata virginitas quibus te laudibus referam nescio quia quem caeli capere non poterant tuo gremio contulisti

Benedicta tu in mulieribus et benedictus fructus ventris tui

Parvulus filius hodie natus est nobis et vocabitur deus fortis alleluia alleluia

Ipse invocavit me R. Pater meus es tu

Beata et venerabilis virgo quae sine tactu pudoris inventa est mater salvatoris Jacebat in praesepio et fulgebat in caelo

Domine audivi auditum tuum et timui

Nesciens mater virgo virum peperit sine dolore salvatorem saeculorum ipsum regem angelorum sola virgo lactabat ubere de caelo pleno

Beata dei genetrix Maria

Confirmatum est cor virginis in quo divina mysteria angelo narrante concepit et forma prae filiis hominum castis concepit visceribus et benedicta in aeternum deum nobis protulit et hominem

Domus pudici pectoris templum repente fit dei intacta nesciens virum verbo concepit filium

Verbum caro factum est et habitavit in nobis cujus gloriam vidimus quasi unigeniti a patre plenum gratia et veritate

In principio erat verbum et verbum erat apud deum et deus erat verbum

Gloria patri et filio et spiritui sancto sicut erat in principio

Post partum virgo inviolata permansisti R. Dei genetrix intercede pro nobis

Genuit puerpera regem cui nomen aeternum et gaudium matris habens cum virginitate pudore nec primam similem visa est nec habere sequentem alleluia

Angelus ad pastores ait annuntio vobis gaudium magnum quia natus est nobis hodie salvator mundi alleluia

Facta est cum angelo multitudo caelestis exercitus laudantium et dicentium gloria in excelsis deo et in terra pax hominibus bonae voluntatis alleluia alleluia

Pastores loquebantur ad invicem transeamus Bethleem et videamus hoc verbum quod dominus ostendit nobis alleluia

Maria autem conservabat omnia verba haec conferens in corde suo

Benedictus qui venit in nomine domini deus dominus et illuxit nobis

Lapidem quem reprobaverunt aedificantes hic factus est in caput anguli a domino factum est istud et est mirabile in oculis nostris

Christe redemptor*

Benedictus qui venit R. In nomine domini Deus dominus et illuxit nobis

Gloria in excelsis deo et in terra pax hominibus bonae voluntatis alleluia alleluia

Jam lucis orto*

Lux orta est super nos quia hodie natus est salvator alleluia

Hodie intacta virgo deum nobis genuit teneris indutum membris quem lactare meruit omnes Christum adoremus qui venit salvare nos

In sole posuit R. Tabernaculum suum et ipse tamquam sponsus procedens de thalamo suo

Hodie natus est nobis rex regum dominus hodie venit nobis salus mundi redemptio nostra alleluia

Laetentur caeli R. Et exsultet terra ante faciem domini quoniam venit

Gaudeamus omnes fideles salvator noster natus est in mundo hodie processit proles magnifici germinis et perseverat pudor virginitatis

Notum fecit dominus R. Salutare suum in conspectu gentium revelavit justitiam suam

Tecum principium in die virtutis tuae in splendoribus sanctorum ex utero ante luciferum genui te

Redemptionem misit dominus populo suo mandavit in aeternum testamentum suum

Exortum est in tenebris lumen rectis corde misericors et miserator et justus dominus

Apud dominum misericordia et copiosa apud eum redemptio

De fructu ventris tui ponam super sedem tuam

Verbum caro factum est et habitavit in nobis

Et vidimus gloriam ejus quasi unigeniti a Patre

A solis ortus*

Tecum principium R. In die virtutis tuae in splendoribus sanctorum ex utero ante luciferum genui te

Hodie Christus natus est hodie salvator apparuit hodie in terra canunt angeli laetantur archangeli hodie exsultent justi dicentes gloria in excelsis deo alleluia