In omnem terram exivit sonus eorum et in fines orbis terrae verba eorum
Constitues eos principes super omnem terram memores erunt nominis tui in omni progenie et generatione
In omnem terram*
Isti sunt viri sancti et amici dei quorum doctrina fulget ecclesia alleluia
Dedisti hereditatem timentibus nomen tuum domine
Isti sunt viri sancti quos elegit dominus in caritate non ficta et dedit illis gloriam sempiternam quorum doctrina fulget ecclesia ut sol et luna
Sancti per fidem vicerunt regna operati sunt justitiam
Nimis honorati sunt amici tui deus nimis confortatus est principatus eorum
Non sunt loquelae neque sermones quorum non audiantur voces eorum in omnem terram exivit sonus eorum et in fines orbis terrae verba eorum
Fuerunt sine querela ante dominum et ab invicem non sunt separati calicem domini biberunt et amici dei facti sunt
Tradiderunt corpora sua propter deum ad supplicia ideo coronantur et accipiunt palmam
Cives apostolorum et domestici dei advenerunt hodie portantes pacem illuminantes patriam dare pacem gentibus et liberare populum domini
Audite preces supplicum vitae aeternae poscentes praemium qui fertis in dexteris manipulos justitiae quique gaudentes advenistis hodie
Hoc est praeceptum meum ut diligatis invicem sicut dilexi vos
Majorem caritatem nemo habet ut animam suam ponat quis pro amicis suis
Vos amici mei estis si feceritis quae praecipio vobis dicit dominus
Non enim vos estis qui loquimini sed spiritus patris vestri qui loquitur in vobis dicit dominus
In patientia vestra possidebitis animas vestras
Nimis honorati sunt amici tui deus
Nimis confortatus est principatus eorum
Annuntiaverunt opera dei R. Et facta ejus
Dum steteritis ante reges et praesides nolite praemeditari qualiter respondeatis dabitur enim vobis in illa hora quid loquamini
Estote fortes in bello et pugnate cum antiquo serpente et accipietis regnum aeternum alleluia
Isti sunt viri sancti*