Quinque prudentes virgines acceperunt oleum in vasis suis cum lampadibus media autem nocte clamor factus est ecce sponsus venit exite obviam Christo domino

Prudentes virgines aptate lampades vestras ecce sponsus venit exite obviam ei

Veniente sponso prudens virgo praeparata introivit cum eo ad nuptias

Inventa bona margarita dedit omnia sua et comparavit eam

Simile est regnum caelorum decem virginibus quae accipientes lampades suas exierunt obviam sponso et sponsae quinque erant fatuae et quinque prudentes

Vidi speciosam sicut columbam et circumdabant eam flores rosarum et lilia convallium

Veni electa mea et ponam in te thronum meum quia concupivit rex speciem tuam

Ista est speciosa inter filias Jerusalem in cubilibus et in hortis aromatum

Ornatam in monilibus filiam Jerusalem dominus concupivit

Tota pulchra es amica mea et macula non est in te

Filiae regum in honore tuo astitit regina a dexteris tuis in vestitu deaurato circumamicta varietate

Pulchra facie sed pulchrior fide beata es virgo respuens mundum letaberis cum angelis intercede pro nobis

Simile est enim regnum caelorum sagenae missae in mare et ex omni genere piscium congreganti quam cum impleta esset educentes et secus litus sedentes elegerunt bonos in vasa sua malos autem foras miserunt

Qui operatus est Petro in apostolatum operatus est et mihi inter gentes et cognoverunt gratiam quae data est mihi a Christo domino

Qui me segregavit ex utero matris meae et vocavit per gratiam suam

Scio cui credidi et certus sum quia potens est depositum meum servare in illum diem justus judex

De reliquo reposita est mihi corona justitiae

Mihi vivere Christus est et mori lucrum gloriari me oportet in cruce domini mei Jesu Christi

Per quem mihi mundus crucifixus est et ego mundo

Tu es vas electionis sancte Paule apostole praedicator veritatis in universo mundo

Per quem omnes gentes cognoverunt gratiam dei

Magnus sanctus Paulus vas electionis vere digne est glorificandus qui et meruit thronum duodecimum possidere