Sancte dei pretiose protomartyr Stephane qui virtute caritatis circumfultus undique dominum pro inimico exorasti populo funde preces pro devoto tibi nunc collegio

Ut tuo propitiatus interventu dominus nos purgatos a peccatis jungat caeli civibus

Cum autem esset Stephanus plenus spiritu sancto intendens in caelum vidit gloriam dei et Jesum stantem ad dexteram patris

Lapidabant Judaei Stephanum invocantem et dicentem domine Jesu accipe spiritum meum

Adhaesit anima mea post te quia caro mea lapidata est pro te deus meus

Positis autem genibus clamabat voce magna dicens Stephanus domine Jesu ne statuas illis hoc peccatum

Stephanus vidit caelos apertos vidit et introivit beatus homo cui caeli patebunt

Stephanus plenus gratia et fortitudine

Faciebat prodigia et signa magna in populo

Stephano primo martyri

Justus ut palma florebit R. Sicut cedrus Lybani multiplicabitur in domo domini

Patefactae sunt januae caeli Christi martyri Stephano qui in numero sanctorum inventus est primus et ideo triumphat in caelis coronatus alleluia

Dum medium silentium tenerent omnia et nox in suo cursu iter perageret omnipotens sermo tuus domine a regalibus sedibus venit alleluia

Speciosus forma prae filiis hominum R. Diffusa est gratia in labiis tuis

Quem vidistis p*