Beata es Maria quae omnium portasti creatorem saeculorum genuisti qui te fecit et in aeternum permanes virgo

Ave Maria gratia p*

Gaude Maria virgo cunctas haereses sola interemisti quae Gabrielis archangeli dictis credidisti dum virgo deum et hominem genuisti et post partum virgo inviolata permansisti

Gabrielem archangelum credimus divinitus te esse affatum uterum tuum de spiritu sancto credimus impraegnatum erubescat Judaeus infelix qui dicit Christum ex Joseph semine esse natum

Gloria patri et filio et spiritui sancto sicut erat in principio et nunc et semper et in saecula saeculorum amen

Dicit qui confirmat legem Christi

Simeon justus et timoratus exspectabat redemptionem Israel et spiritus sanctus erat in eo

Responsum accepit Simeon a spiritu sancto non visurum se mortem nisi videret dominum

Accipiens Simeon puerum in manibus gratias agens benedixit dominum

Nunc dimittis domine servum tuum in pace quia viderunt oculi mei salutare tuum

Lumen ad revelationem gentium et gloriam plebis tuae Israel

Suscepimus deus misericordiam tuam

In medio templi tui*