Sex struxit in Sicilia vir clarus monasteria et infra urbem septimum in quo se fecit monachum
His sane monasteriis praedia large tribuit reliqua tandem vendidit et egenis distribuit
Qui solebat in sericis procedere induviis post in abjectis vestibus servit pauper pauperibus
Defuncto itaque papa Pelagio beatum Gregorium totis viribus renitentem plebs omnis elegit
Quem apicem attentius fugere temptans fuge latibula praeparat
Tandem electus domini invenitur capitur trahitur consecratur ac papa urbis efficitur
Propter intolerabiles rerum curas mundanarum recusabat praesulatum suscipere Romanorum sed victus prece populi suscepit jugum domini
Nec fecit proximo suo malum et opprobrium non accepit adversus proximos suos