O quam venerandus*

Fulgebat in venerando*

Rerum salus*

Gloriosa sanctissimi sollemnia Gregorii toto corde catholica suscipiat ecclesia cujus doctrina aurea per mundi splendet climata quam meritis et precibus Christo commendet quaesumus

Ad dominum vigiles cuncti convertite mentes Gregorium vigilem caeli qui vexit ad arcem

Confessor dei

Gregorius ortus Romae ex senatorum sanguine fulsit mundo velut gemma auro superaddita dum praeclarior praeclaris hic accessit atavis

Lineam sui generis factis et dictis extulit bibens in pueritia quod ructuavit postea

Adhaerebat moralibus seniorum relatibus quos tenaci memoriae non cessabat committere

Gregorius ut creditur divinitus sic dicitur qui sibi et ecclesiae vigilavit catholicae

Studiis liberalibus nulli secundus habitus praetor urbanus exstitit adolescens spectabilis

Hic ab adolescentia divina fretus gratia anhelare non desiit ad regnum vitae perpetis

Fulgebat in venerando duplex decus Gregorio senatoria dignitas secundum genus saeculi voluntaria paupertas Juxta praeceptum domini

Beatus vir qui timet dominum in mandatis ejus cupit nimis

Videns Romae vir beatus Anglorum forte pueros bene inquit bene angli vultu nitent ut angeli oportet illis monstrari iter salutis aeternae

Quoniam domini est regnum et ipse dominabitur gentium

Dum oraret in obscuro servus dei latibulo lux immensa super eum resplenduit post triduum hoc signo cunctis proditus papa urbis efficitur

Quia misericordiam et veritatem diligit deus gratiam et gloriam dabit dominus

Hoc beato Gregorio gratia divina concessit ut merito ab anglorum populis debeat apostolus appellari quia ipsius gratiae asscribitur quod illorum ecclesia nova semper sobole fecundatur

Quousque enim mundus iste volvitur ejus laudabile meritum semper accipit incrementum

Sex struxit in Sicilia vir clarus monasteria et infra urbem septimum in quo se fecit monachum

His sane monasteriis praedia large tribuit reliqua tandem vendidit et egenis distribuit

Qui solebat in sericis procedere induviis post in abjectis vestibus servit pauper pauperibus

Defuncto itaque papa Pelagio beatum Gregorium totis viribus renitentem plebs omnis elegit

Quem apicem attentius fugere temptans fuge latibula praeparat

Tandem electus domini invenitur capitur trahitur consecratur ac papa urbis efficitur

Propter intolerabiles rerum curas mundanarum recusabat praesulatum suscipere Romanorum sed victus prece populi suscepit jugum domini

Nec fecit proximo suo malum et opprobrium non accepit adversus proximos suos

Orante beatissimo ad dominum Gregorio Sanata est plebs romana a peste inguinaria

Multum enim valet deprecatio justi assidua

Hic in annis adolescentiae deo coepit devotus existere et ad supernae vitae patriam totis desideriis anhelare

Qui mortem quoque quae pene cunctis poena est quasi ingressum vitae amabat

Vere felicem praesulem verae fidei doctorem quo petente panis Christi formam accepit digiti ad firmandam plebis fidem versus incruentam carnem

A domino factum est istud et est mirabile in oculis nostris

Beatus Gregorius ab Anglorum populis apostolus est appellatus quia ipsius gratiae ascribitur quod illorum ecclesia nova semper sobole fecundatur

Beatissimus pontifex Gregorius postquam sedis romanae et apostolicae sedis ecclesiae gloriosissime rexit ex hac luce subtractus atque ad aeternam est regni sedem translatus

Qui omni fere juventutis suae tempore crebris viscerum doloribus cruciabatur

Hodie praeclarissimus deo dignus episcopus et Anglorum apostolus a terrenis separatus conjunctus est caelestibus cum gloria Gregorius

Ecce vere Israelita in quo dolus non est

Sanctus papa Gregorius vir totus apostolicus postquam praesedit cathedrae pervigil apostolicae carne solutus hodie adivit regem gloriae

Innocens manibus et mundo corde qui non accepit in vano animam suam

O pastor apostolice Gregori beatissime tuo posce precamine incrementum ecclesiae tuo rigatae dogmate ac defensatae opere

Memor esto congregationis catholicae et dextera dei plantatae vineae

Gregorius vigiliis confectus et jejuniis etsi marcebat corpore ex spe vigebat animae

Lentis quidem sed jugibus hic aestuabat febribus Podagrae nec non syncopis pulsabatur incommodis

Caelesti cinctus verbere vir mirae innocentiae praesumebat se diligi quod merebatur argui

Bissenos nummos angelo hic dedit quasi naufrago huic scutellam argenteam quam sibi vidit reliquam

Virginum tria milia Romae pavit sub regula exceptis dei famulis longe vel prope positis

Christi fidelis famulus prudens quoque Gregorius post quam suo in tempore vixit ejus familiae caelo reddidit animam terrae carnis materiam

O Gregori dulcissimum sancti spiritus organum atque virtutum speculum posce nobis suffragium ut hoc possimus consequi Quo te gaudemus perfrui

Pretiosus confessor domini Benedictus rector orientis tramite cum magno splendoris decore in caelum ferebatur assistensque vir clarus ait duobus fratribus hac via dilectus domini caelum Benedictus ascendit

Igitur sancti viri obitum sicut praesentes viderunt ita et absentes quod eis praedictum fuerat agnoverunt

Pater sanctus dum intentam oculorum aciem in splendore coruscae lucis habere videretur vidit Germani animam Capuani episcopi in sphaera ignea ab angelis in caelum deferri

Confessorum regem*

Fuit vir vitae venerabilis gratia dei abbas Benedictus

Ab ipso pueritiae suae tempore cor gerens senile aetatem moribus transiens nulli animum voluptati dedit

Dum in hac terra esset quo temporaliter libere uti potuisset jam quasi aridum mundum cum flore despexit

Nursia provincia exortus Romae liberalibus litterarum studiis traditus a parentibus fuerat

Relicta domo rebusque patris soli deo placere desiderans sanctae conversationis habitum quaesivit

Hic itaque cum jam relictis litterarum studiis petere deserta decrevisset nutrix quae hunc artius amabat secuta est

Fuit vir vitae venerabilis gratia dei Benedictus et nomine ab ipso pueritiae suae tempore cor gerens senile aetatem quippe moribus transiens nulli animum voluptati dedit

Despexit igitur quo temporaliter libere uti potuisset sanctae conversationis habitum quaesivit

Beatus Benedictus dum in hac terra esset quo temporaliter libere uti potuisset jam quasi aridum mundum cum flore despexit

Relicta domo rebusque patris soli deo placere desiderans sanctae conversationis habitum quaesivit

Beatus Benedictus cum jam relictis litterarum studiis petere deserta decrevisset nutrix quae hunc artius amabat secuta est

Recessit igitur scienter nescius et sapienter indoctus

Pater sanctus dum intentam oculorum aciem in splendore coruscae lucis habere videretur vidit Germani animam Capuani episcopi in sphaera ignea ab angelis in caelum deferri

Factumque est ut reverendissimum virum Germanum episcopum is qui missus fuerat jam defunctum reperit

Praedicta nutrix illius ad purgandum triticum a vicinis mulieribus capisterium petiit quod casu accidente confractum est

Nutrici in auxilium grande fecit miraculum primum in partes divisum rejunxit capisterium

Recessit igitur scienter nescius et sapienter indoctus

Dum in eremum progeret Romano monacho obviavit cujus cum desiderium agnovisset et secretum tenuit et adjutorium impendit

Cumque in specu posito submitti panem diabolus conspiceret jactavit lapidem et tintinnabulum fregit

Cumque sibi conspicerent illicita non licere et assueta relinquere conati sunt ejus mortem tractare

Praedicta nutrix illius ad purgandum triticum a vicinis mulieribus capisterium petiit quod casu accidente confractum est

Nutrici in auxilium grande fecit miraculum primum in partes divisum rejunxit capisterium

Quidam rusticus defuncti corpus filii in ulnis ferens orbitatis luctu aestuans ad monasterium venit Benedictum patrem quaesivit quem mox ut aspexit clamare coepit redde filium meum redde filium meum

Vir autem dei in hac voce substitit dicens numquid ego filium tuum abstuli cui ille respondit dicens

Domine non aspicias peccata mea sed fidem hujus hominis qui resuscitari filium suum rogat et redde in hoc corpusculum animam quam abstulisti et completa oratione revixit et sanum reddidit patri suo

Cujus manum cum tenuisset concussione mirifica tremendo palpitare coepit

O beati viri Benedicti sancta praeconia o inaestimabilis dilectio caritatis qui dum saeculi pompam contempsit aeternae vitae conjunctus est

Cui vivere Christus fuit et mori lucrum

Inito consilio venenum vino miscuere quo allato signavit sicque confractum est ac si pro signaculo lapidem dedisset

Frater Maure curre velociter quia puer Placidus jam mergitur in amne

Benedictus dei famulus cum hoc protinus agnovisset Maurum vocavit dicens curre velociter

Eodem vero anno quo de hac vita erat exiturus quibusdam discipulis secum conversantibus quibusdam longe manentibus sanctissimi sui obitus denuntiavit diem

Indicans namque discipulis quale eis signum fieret quando ejus anima de corpore exiret

Ante sextum vero exitus sui diem aperire sibi sepulturam jubet qui mox correptus febribus acro coepit dolore fatigari usque ad mortem

Cumque per singulos dies languor ingravesceret sexto die portari se in oratorium a discipulis pectu

Pretiosus confessor d*

Electus a fratribus invitus obtinuit quo scienter se scire illorum moribus convenire non posset

Oravit sanctus Benedictus domine non aspicias peccata mea sed fidem istius hominis qui resuscitari filium suum rogat et sub oculis omnium viventem puerum reddidit patri suo

Vix obtinui apud deum omnipotentem ut ex hoc loco mihi animae cederentur

Intempesta nocte cum cuncta sunt silentio quasi sub solis radio totum mundum conspexit

Exsultet omnium turba fidelium pro gloria almi patris Benedicti laetentur praecipue catervae monachorum celebrantes ejus festa in terris de cujus societate sancti congaudent in caelis

Justum deduxit dominus*

Hodie sanctus Benedictus per viam orientis tramitis videntibus discipulis caelos ascendit hodie erectis manibus inter verba orationis migravit hodie in gloria ab angelis susceptus est

Sanctissime confessor domini monachorum pater et dux Benedicte intercede pro nostra omniumque salute

Ingressus angelus ad Mariam ait ave Maria gratia plena dominus tecum

Christi virgo dilectissima virtutum operatrix opem fer miseris subveni domina clamantibus ad te jugiter