Justus Noe perfecit omnia quae locutus est ei deus et dixit ad eum ingredere in arcam quia te vidi justum coram me ex omnibus gentibus

Dixit dominus ad Noe finis universae carnis venit coram me

Intellexit igitur Noe quod cessassent aquae diluvii super terram et exiens de arca aedificavit ibi altare super quod hostiam laudis obtulit domino deo

Videns autem Noe quod non reversa est columba sicut prius ad eum benedixit domino deo magno

Ecce ego statuam pactum meum vobiscum et cum semine vestro post vos ero quae vester deus vosque eritis mihi in populum

Crescere vos faciam et multiplicari super terram et recordabor foederis mei quod pepigi vobiscum

Descendamus et affundamus linguam filiorum Noe dicit dominus ut non intellegat unusquisque vocem proximi sui atque ita divisit eos ex illo loco in universas terras et cessaverunt aedificare civitatem

Et idcirco vocatum est Babel nomen loci illius quia ibi divisum est labium universae terrae

Dele domine iniquitatem meam lava me ab injustitia mea et a delicto meo munda me

Dicant omnes qui timent dominum quoniam in saeculum misericordia ejus

Sitivit in te anima mea domine et caro mea in terra deserta

Hymnum dicat omnis terra domino deo nostro laudet et superexaltet eum in saecula

Laudent omnes angeli dominum quia ipse dixit et facta sunt omnia mandavit et creata sunt universa