Ingressus angelus ad Mariam ait ave Maria gratia plena dominus tecum

Dicat nobis perfidus Judaeus quomodo virga Aaron floruit fronduit et nuces edidit et nos dicemus ei quaemadmodum virgo Maria concepit et peperit

Quicumque ergo praedictae virgae nobis conceptum et partum ex ponit nos illi quoque exponemus

Ecce novum per prophetam super terram facere se promittit auctor virum feminam circumdare veneranda novitate prodeunt miracula jam Mariae praegnans alvus dei prolem bajulat

Sanctus obumbravit huic spiritus et gravidavit fitque parens et virgo manet

Conversus Ezechiel ad orientem clausam aspexerat portam dictumque est ei porta haec quam vides clausa erit

Hic evidenter ostensum est quod Maria semper virgo fuerit virgo permanserit virgo ante partum virgo in partu virgo post partum

Concordes et ovantes ipsum creatorem et salvatorem nostrum promtissima fide glorificemus nobis qui praesidium talis ac tante matrem sanctitatis elegit et sibi per se templum feliciter consecravit

Illi omni voto et omni conanime grates licet misericordiae ejus longe longeque impares persolvere non cessemus

Missus est angelus Gabriel a deo in civitatem Galilaee cui nomen Nazareth ad virginem desponsatam viro cui nomen Joseph de domo David et nomen virginis Maria

Ecce dominus faciet novum in terra femina circumdabit virum

Ineffabili miroque modo verbum dei hodie factum est caro angelus annunciavit virgo fide concepit

Maria plena gratia stirpe concepta regia assistentes tuae laudi miserando nos exaudi