Statuerunt duos Joseph et Matthiam et orantes dixerunt domine qui corda nosti hominum ostende quem elegeris ex his duobus

Dederunt sortes eis et cecidit sors super Matthiam et annumeratus est cum undecim apostolis laus tibi domine rex aeternae gloriae

Confiteor tibi domine pater caeli et terrae quia abscondisti haec a sapientibus et a prudentibus et revelasti ea parvulis ita pater quoniam sic fuit placitum ante te

Venite ad me omnes qui laboratis et onerati estis et ego reficiam vos tollite jugum meum super vos et discite a me quia mitis sum et humilis corde et invenietis requiem animabus vestris jugum enim meum suave est et onus meum leve