Diligebat autem Jesus Martham et sororem ejus Mariam et Lazarum domine ecce quem amas infirmatur infirmitas haec ait dominus deus non est ad mortem sed pro gloria dei ut glorificetur filiis dei per eam

Fidelis sermo et omni accepcione dignus quia Christus Ihesus venit in hunc mundum peccatores salvos facere et qui nasci dignatus est de Maria virgine tangi non dedignatus est de Maria peccatrice hec est illa Maria cui dimissa sunt peccata multa quia dilexit multum hec est enim illa Maria que resurgentem a mortuis prima omnium videre meruit dominum nostrum Ihesum Christum quem pro nostris reatibus oret quesumus in eternum

Stans retro Maria secus pedes domini Ihesu lacrimis cepit rigare pedes ipsius et capillis capitis sui tergebat et osculabatur pedes eius et unguento ungebat

Videns autem phariseus qui vocaverat eum ait intrase dicens hic si esset propheta sciret utique que et qualis mulier que tangit eum quia peccatrix est

Maria Magdalena quae fuerat in civitate peccatrix amando veritatem lavit maculas criminum et vox veritatis impletur qua dicitur dimissa sunt ei peccata multa quoniam dilexit multum

Que enim prius frigida peccando permanserat post modum amando fortiter ardebat

Cuius ergo vel saxeum pectus ille huius peccatricis lacrime ad exemplum penitendi non emoliant consideravit namque quid fecit et noluit moderari quid faceret super convivantes ingressa est non iussa venit inter epulas lacrimas obtulit

Hanc vero quam Lucas peccatricem mulierem Iohannes Mariam nominat illam esse Mariam credimus de qua Marcus septem demonia eiecta fuisse testatur septem enim demonia habuit que universis viciis plena fuit sed ecce quia turpitudinis sue maculas aspexit lavanda ad fontem misercordie cucurrit

Videns hec phariseus dicebat intra se hic si esset propheta sciret utique que et qualis est mulier que tangit eum quia peccatrix est

Plus ergo mulier penitens pascebat intus quam phariseus dominum pasceret foris quia ab estu carnalium quasi hymulus salvator noster ad illius mentem fugerat quam post viciorum ignem penitencie umbra temperabat

Quod ergo in se habuit oblectamenta tot de se invenit holocausta convertit ad numerum virtutum numerum criminum ut totum serviret deo in penitencia quidquid ex se deum contempserat in culpa

Ecce Maria que ad medicum venerat egra sanata est ecce dominus Ihesus eam quam sana verat per pietatis sue potenciam confimat dicens fides tua te salvam fecit vade in pace

Fides etenim salvam fecit quia hoc quod peciit se posse accipere non dubitavit in pace autem ire precipitur ut averitatis sue itinere in viam scandali ulterius non seducatur

Domine ait Martha non est tibi cure quot soror mea reliquit me solam ministrare Maria inquit dominus Ihesus optimam partem elegit que non auferetur ab ea

Armilla domini maxillam leviathan perforat quia ineffabilis misericordie sue potencie sic malicie antiqui hostis obviat ut aliquando eos eciam quos iam cepit amittat Ecce enim Maria Magdalena quasi ab ore illius cecidit Que post perpertatas culpas ad innocenciam rediit

Ubique ergo nobis occurrit superna medicina quia et dedit homini precepta ne peccet et tamen peccanti dedit remedia ne desperet

Maria pio coniuncta Ihesu osculando pedes illius et pie rigando tersit crimina sua

Conversus est dominus ad Symonem et dixit intravi in domum tuam aquam pedibus meis non dedisti hec mulier non cessavit lacrimis rigare pedes meos

Surgens Jesus mane prima sabbati apparuit primo Mariae Magdalenae de qua ejecerat septem daemonia cujus precibus nos adjuvari mente et spiritu devotissime poscimus

Maria septem demonia habuit que universis viciis plena fuit

O mirum et magnum miraculum quia peccatrix femina audebat redemptorem mundi tangere lacrimando et capillis tergendo crimina sua abluebat ideo dimissa sunt ei peccata multa quoniam dilexit multum

Flavit auster et fugavit aquilonem quando lavit cor Marie penitentis ymber sancti spiritus lique fecit et refecit resolutam in lamentis verbum missum celitus

Fluminis impetus civitatem dei letificat

Conversa Maria vidit Ihesum stantem et nesciebat quia Ihesus est mulier quid ploras quem queris domine si tu sustulisti eum dicito michi ubi posuisti eum et ego eum tollam

Noli me tangere dixit dominus Ihesus Marie non dum enim ascendi ad patrem meum vade autem ad fratres meos et dic eis ascendo ad patrem meum et patrem vestrum deum meum et deum vestrum venit Maria annuncians discipulis quia vidi dominum et hec dixit michi

O quanta vis amoris hujus mulieris mentem accenderat que a monumento domini eciam discipulis recedentibus non recedebat

Exquirebat Maria quem non invenerat flebat inquirendo et amoris sui igne succensa eius que ablatum credidit ardebat desiderio unde contingit ut eum sola tunc videret que remansit ut quereret

In lectulo meo quaesivi per noctem quem diligit anima mea quaesivi illum et non inveni invenerunt me vigiles qui custodiunt civitatem num quem dilexit anima mea vidistis paululum cum pertransissem eos inveni quem diligit anima mea

In diebus illis mulier que erat in civitate peccatrix ut cognovit quod Ihesus accubuisset in domo Symonis leprosi attulit alabastrum unguenti et stans retro secus pedes domini Ihesu lacrimis cepit rigare pedes eius et capillis capitis sui tergebat et osculabatur pedes eius et unguento ungebat