En martyris Laurencii armata pugnavit fides nam morte mortem diruit ac semet inpendit sibi

Quid in me ergo displicuit paternitati tue numquid degenerem probasti experire certe utrum ydoneum ministrum elegeris cui commisisti dominici corpus et sanguinis consecracionem

Nos quasi senes levioris pugne cursum recipimus te quasi iuvenem manet gloriosior de tyranno triumphus exspectat post triduum me sequeris sacerdotem levita

Quia accusatus non negavi nomen sanctum tuum interrogatus te Christe confessus sum

Dixit Romanus ad beatum Laurencium video ante te iuvenem pulcherrimum festina me baptizare

Quia ipse dominus novit quia accusatus non negavi nomen sanctum tuum

Puer meus noli timere quia ego sum tecum dicit dominus cum transieris per ignem flamma non nocebit te et ardor ignis non erit in te

Beatus Laurencius clamabat et dixit deum meum colo et illi soli servio et ideo non timeo tormenta tua

Strinxerunt corporis membra posita super craticulam ministrantibus prunas insultat levita Christi

Beatus Laurencius orabat et dixit domine Ihesu Christe pastor bone suscipe spiritum meum

O Ypolite si credideris in dominum Ihesum Christum et thesauros tibi ostendo et vitam eternam promitto

Si dictis inquit facta compensas faciam que hortaris cui beatus Laurencius dixit tuum michi tantummodo prebe assensum

Gaudeo plane quia hostia Christi effici merui

In craticula te deum non negavi et ad ignem applicatus te Christe confessus sum probasti cor meum et visitasti nocte igne me examinasti et non est inventa in me iniquitas

Beatus Laurencius dum in craticula suprapositus ureretur ad impiissimum tyrannum dixit assatus sum iam versa et manduca nam facultates ecclesie quas requiris in celestes thesauros manus pauperum deportaverunt