Deus virum sanguinum penitus despexit in via iusticie Stanislaus rexit dans palmam victorie iusto benedixit alleluia
O domine nomen tuum magnum et mirabile leve iugum passionis facit et amabile pro quo sanctus martyrium protulit laudabile alleluia
Videns regem depravatum gregem suum praede datum jusque thori prophanatum spiritali sceleratum praesul ferit gladio alleluia
Patricidae mox futuro deum factis negaturo negatur communio
Ad seva regis opera nature stupent federa lactat canem puerpera canis pendens ad ubera materna torquet viscera alleluia
Res inaudita seculis dat lac humanum catulis abiecta prole tenera