O Iuda qui dereliquisti consilium pacis et cum Iudeis consiliatus es triginta argenteis vendidisti sanguinem iustum et pacis osculum ferebas quam in pectore non habebas

Dominus tamquam ovis ad victimam ductus est et non aperuit os suum

Kyrieleyson

Ihesu Christe qui passurus advenisti propter nos

Kyrieleyson Christeleyson

Kyrieleyson Christeleyson Kyrieleyson

Rex Christe factor omnium redemptor et credencium placare votis supplicum te laudamus colencium Kyrieleyson

Considerabam ad dexteram et videbam et non erat qui cognosceret me

Aleph Ego vir videns paupertatem meam in virga indignacionis eius Me minavit et adduxit in tenebras et non in lucem Tantum in me vertit et convertit manum suam tota die

Beth Vetustam fecit pellem meam et carnem meam contrivit omnia ossa mea Edificavit in gyro meo et circumdedit me felle et labore In tenebrosis collocavit me quasi mortuos sempiternos

Gymel Circumedificavit adversum me tempus ut non egrediar aggravavit compedem meum Conclusit vias meas lapidibus quadris semitas meas subvertit

Jerusalem Jerusalem

Deleth Ursus insidians factus est michi leo in abscondito Semitas meas subvertit et confregit posuit me desolatam Tetendit arcum suum posuit me quasi signum ad sagittam

Hee Misit in renibus meis filios pharatre sue Factus sum in derisum omni populo meo canticum eorum tota die Replevit me amaritudinibus meis inebriavit me absinthio

Vau Et confregit ad numerum dentes meos cibavit me cinere et repulsa est in me anima mea oblitus sum bonorum Et dixi periit finis meus et spes mea a domino

Zay Recordare paupertatis et transgressionis mee absintii et fellis Memoria mea memor ero et thabescit in me anima mea Hec recolens in corde meo in deo sperabo

Jerusalem Jerusalem

Vau Bonus est dominus sperantibus in eum anime querenti illum Bonum est viro cum portaverit iugum ab adolescencia sua Bonum est prestolari cum silencio salutare domini Sedebit solitariur et tacebit quia levavit super se

Ioth Ponet in pulvere os suum si forte sit spes Dabit percucienti se maxillam saturabitur opprobriis quia non repellet in sempiternum dominus

Caph Quia si abjecit et miserebitur secundum multitudinem misericordiarum suarum Nonenim humiliavit se in corde suo et abiecit filios hominum

Lamech Ut contreret sub pedibus suis omnes vinctos terre Ut declinaret iudicium viri in conspectu altissimi vultus Ut perverteret hominem in iudicio suo dominus ignoravit

Jerusalem Jerusalem

Vinea mea electa ego te plantavi quomodo conversa es in amaritudinem ut me crucifigeres et Barraban dimitteres

Filius quidem hominis vadit sicut scriptum est de illo ve

Ab insurgentibus in me libera me domine quia occupaverunt animam meam

Longe fecisti notos meos a me traditus sum et non egrediebar

Captabant in animam iusti et sanguinem innocentem condempnabant

Proprio filio suo non pepercit deus sed pro nobis omnibus tradidit illum

Anxiatus est in me spiritus meus in me turbatum est cor meum

Cum accepisset acetum dixit consummatum est et inclinato capite tradidit spiritum

Caro mea requiescet in spe

Aleph Quomodo obscuratum est

Beth Filii Sion inclyti et

Gymel Sed et lamie nudaverunt mammam lactaverunt catulos suos

Deleth Filia populi mei crudelis quasi strucio in deserto Adhesit lingua lactantis ad palatum eius in siti parvuli pecierunt panem et non erat qui frangeret eis

Hee Qui vescebantur voluptuose interierunt in viis qui nutriebantur in croceis amplexati sunt stercora

Et major effecta est iniquitas filie populi mei peccato Sodomorum que subversa est in momento et non ceperunt in ea manus