Te deum patrem ingenitum te filium unigenitum te spiritum sanctum paraclitum sanctam et individuam trinitatem toto corde et ore confitemur laudamus atque benedicimus tibi gloria in saecula

Deum verum unum in trinitate et trinitatem in unitate venite adoremus

Adesto deus unus omnipotens pater et filius et spiritus sanctus

Te unum in substantia trinitatem in personis confitemur

Te semper idem esse vivere et intellegere profitemur

Memor fui in nocte

Benedicat nos deus deus noster benedicat nos deus et metuant eum omnes fines terrae

Deus misereatur nostri et benedicat nos deus

Benedictus dominus deus Israel qui facis mirabilia solus et benedictum nomen majestatis ejus in aeternum

Replebitur majestate ejus omnis terra fiat fiat

Quis deus magnus sicut deus noster tu es deus qui facis mirabilia

Notam fecisti in populis virtutem tuam redemisti in bracchio tuo populum tuum

Te invocamus te adoramus te laudamus o beata trinitas

Spes nostra salus nostra honor noster o beata trinitas

Libera nos salva nos justifica nos o beata trinitas

Media nocte surgebam*

Magnus dominus et magna virtus ejus sapientiae ejus non est numerus

Magnus dominus et laudabilis nimis et magnitudinis ejus non est finis

Gloria patri genitaeque proli et tibi compar utriusque semper spiritus alme deus unus omni tempore saecli

Da gaudiorum praemia da gratiarum munera dissolve litis vincula astringe pacis foedera

Honor virtus et potestas et imperium sit trinitati in unitate unitati in trinitate in perenni saeculorum tempore

Trinitati lux perennis unitati sit decus perpetim

Caritas pater est gratia Christus communicatio spiritus sanctus o beata trinitas

Verax est pater veritas filius veritatis spiritus o beata trinitas

Una igitur pater logos paraclitusque substantia est o beata trinitas

Exaltare domine In virtute tua

Summae trinitati simplici deo una divinitas aequalis gloria coaeterna majestas patri prolique sanctoque flamini qui totum subdit suis orbem legibus

Praestet nobis gratiam deitas beata patris ac nati pariterque spiritus almi

Benedicamus patrem et filium cum sancto spiritu laudemus et superexaltemus eum in saecula

Benedictus es domine in firmamento caeli et laudabilis et gloriosus

Te deum patrem ingenitum te filium unigenitum te spiritum sanctum paraclitum sanctam et individuam trinitatem toto corde et ore confitemur laudamus atque benedicimus tibi gloria in secula

Quoniam magnus es tu et faciens mirabilia tu es deus solus

Gloria patri et filio et spiritui

Gloria tibi trinitas aequalis una deitas et ante omnia saecula et nunc et in perpetuum

Laus et perennis gloria deo patri cum filio sancto simul paraclyto in saecula saeculorum

Gloria laudis resonet in ore omnium patri genitaeque proli spiritui sancto pariter resultet laude perenni

Laus deo patri parilique proli et tibi sancte studio perenni spiritus nostro resonet in ore omne per evum

Ex quo omnia per quem omnia in quo omnia ipsi gloria in saecula

In matutinis domine

Gratias tibi deus gratias tibi vera una trinitas trina et una veritas trina et una unitas

Sanctus sanctus sanctus dominus deus omnipotens qui erat et qui est et qui venturus est

Deum time et mandata ejus observa hoc est omnis homo

Timentibus deum nihil deest nec his qui eum diligunt in veritate

O lux beata trinitas*

Vespertina oratio*

Tibi decus et imperium tibi gloria et potestas tibi laus et jubilatio in sempiterna saecula o beata trinitas

Gloria patri et filio et spiritus sancto