Deus magnus dominus et rex magnus super omnes deos

Tolle arma tua pharetram et arcum et affer de venatione tua ut comedam et benedicat tibi anima mea

Cumque venatu aliquid attuleris fac mihi inde pulmentum ut comedam

Ecce odor filii mei sicut odor agri pleni quem benedixit dominus crescere te faciat deus meus sicut harena maris et donet tibi de rore caeli benedictionem

Qui maledixerit tibi sit ille maledictus et qui benedixerit tibi benedictionibus repleatur

Det tibi deus de rore caeli et de pinguedine terrae abundantiam serviam tibi tribus populi esto dominus fratrum tuorum

Et incurventur ante te filii matris tuae

Dum exiret Jacob de terra sua vidit gloriam dei ait quam terribilis est locus iste non est hic aliud nisi domus dei et porta caeli

Vere dominus est in loco isto et ego nesciebam

Si dominus deus meus fuerit mecum in via ista qua ego ambulo et custodierit me et dederit mihi panem ad edendum et vestimentum quo operiar et revocaverit me cum salute erit mihi dominus in refugium et lapis iste in signum

Vere dominus est*

Erit mihi dominus in deum et lapis iste quem erexi in titulum vocabitur domus dei et de universis quae dederis mihi decimas et hostias pacificas offeram tibi

Si dominus deus meus fuerit mecum in via ista qua ego ambulo et custodierit me

Oravit Jacob et dixit domine qui dixisti mihi revertere in terram nativitatis tuae erue me de manu fratris mei quia valde eum timeo

Deus in cujus conspectu ambulaverunt patres mei domine qui pascis me a juventute mea

Dixit angelus ad Jacob dimitte me aurora est respondit ei non dimittam te nisi benedixeris mihi et benedixit eum in eodem loco

Benedicens benedicam tibi et multiplicabo te

Vidi dominum facie ad faciem et salva facta est anima mea

Et dixit nequaquam vocaberis Jacob sed Israel erit nomen tuum

Domine labia mea aperies et os meum annuntiabit laudem tuam

Dextera domini fecit virtutem dextera domini exaltavit me

Factus est adjutor meus deus meus

Trium puerorum cantemus hymnum quem cantabant in camino ignis benedicentes dominum

Statuit ea in aeternum et in saeculum saeculi praeceptum posuit et non praeteribit

Egressus Jesus secessit in partes Tyri et Sidonis et ecce mulier Chananaea a finibus illis egressa clamabat dicens miserere mei domine fili David

Domine dimitte eam quia clamat post nos ait illis Jesus non sum missus nisi ad oves quae perierunt domus Israel