Sanctus Mauritius legionem sanctam praemonuit ut ad caelestia regna properarent beatus Exuperius miles candidus et Victor junctis meritis se sociaverunt

Sancta legio Agaunensium martyrum dum resisterent adversariis sacro duce Mauritio interveniente immortalitatis compendium acquisierunt

Triumpharunt sancti martyres Christi qui sub Maximiano mortem decreverunt suscipere et cum sancto Mauritio regna caelestia acceperunt

Sanctorum corpora sacri sanguinis unda perfudit pretiosorum corpora societas consecravit quae novit Rhodanus inundando refudit

Pretiosa sunt Thebaeorum martyrum vulnera sancti Mauritii cum sociis suis qui sub Maximiano mortem decreverunt suscipere

Ecce factus est sacer ille Agaunensium locus per suffragia sanctorum salus praesentium praesidium futurorum

Flagrabat in beatissimis martyribus gloriosus ardor quia trucidati ferro collis submissis qui sub Maximiano perempti sunt quos multitudo angelorum cum gaudio susceperunt

O vere sancti milites Thebaei fortes in agone fidei constantes in devotione spei ferventes in dilectione dei terrena despicientes caelestia contemplantes o quam pretiosa mors sanctorum quae vitam meruit angelorum quam praeclara martyrum gloria quae nihil metuit ostium cuneos de quorum collegio dux sacer Mauritius constans in passione socius caelestis militiae municeps factus est aeterni regni particeps