Confirmatum est cor virginis in quo divina mysteria angelo narrante concepit te formam prae filiis hominum castis suscepit visceribus et benedicta in aeternum deum nobis protulit et hominem

Domus pudici pectoris templum repente fit dei intacta nesciens virum verbo concepit filium

Nesciens mater virgo virum peperit sine dolore salvatorem saeculorum ipsum regem angelorum sola virgo lactabat ubere de caelo pleno

Ave Maria gratia plena

O regem caeli cui talia famulantur obsequia stabulo ponitur qui continet mundum jacet in praesepio et in nubibus tonat

Domine audivi auditum tuum et timui consideravi opera tua et expavi in medio duorum animalium

Benedictus qui venit in nomine domini deus dominus et illuxit nobis

Lapidem quem reprobaverunt aedificantes hic factus est in caput anguli a domino factum est istud et est mirabile in oculis nostris

Gaudeamus omnes fideles salvator noster natus est in mundo hodie processit proles magnifici germinis et perseverat pudor virginitatis

Virgo hodie fidelis etsi verbum genuit incarnatum virgo mansit et post partum quem laudantes omnes dicemus benedicta tu in mulieribus

Virgo verbo concepit virgo permansit virgo peperit regem omnium regum

Nesciens mater virgo virum peperit sine dolore salvatorem saeculorum ipsum regem angelorum sola virgo lactabat ubere de caelo pleno