Ego sum ostium dicit dominus per me si quis introierit salvabitur et pascua inveniet alleluia

Jam non multa loquar vobiscum venit enim princeps mundi hujus et in me non habet quicquam sed ut cognoscat mundus quia diligo patrem et sicut mandatum dedit mihi pater sic facio alleluia

Si quis diligit me sermonem meum servabit et pater meus diliget eum et ad eum veniemus et mansionem apud eum faciemus alleluia

Si diligeretis me alleluia gauderetis utique alleluia quia vado ad Patrem alleluia alleluia alleluia

Sic deus dilexit mundum ut filium suum unigenitum daret ut omnis qui credit in ipso non pereat sed habeat vitam aeternam alleluia

Haec locutus sum vobis*

Dum complerentur dies pentecostes alleluia venit laus in Jerusalem alleluia in Sion

Facta autem die ibat Jesus in desertum locum et turbae requirebant eum et venerunt usque ad ipsum et detinebant illum ne discederet ab eis alleluia

Ultimo festivitatis die dicebat Jesus qui in me credit flumina de ventre ejus fluent aquae vivae hoc autem dixit de spiritu quem accepturi erant credentes in eum alleluia

Nisi quis renatus fuerit ex aqua et spiritu non potest introire in regnum dei quia quod natum est de carne caro est et quod natum est de spiritu spiritus est alleluia alleluia