De hac vero vita postquam migravit aperientes capsellam invenerunt in ea cilicium et catenam aeream sanguine aspersam

Corpus autem inspicientes magistri invenerunt carnem in locis quattuor profundius catena sulcatam

De vulneribus quoque ipsis cruor decurrens cilicium per loca perfudit

Superposito equis indomitis feretro et frenis de capitibus eorum ablatis recto itinere pervenerunt ad cellam viri dei

Aperiens Joannes sarcophagum amariores cum hac voce lacrimas dedit heu heu pater amate heu doctor egregie cur me de domo patris eductum quasi orphanum dereliquisti

Iste sanctus digne in memoriam vertitur hominum qui ad gaudium transiit angelorum quia in hac peregrinatione solo corpore constitutus cogitatione et aviditate in illa aeterna patria conversatus est

Beatus Januarius orabat dicens domine Jesu Christe qui me ex utero matris usque hanc horam custodire dignatus es adhibe solitam pietatis tuae custodiam et libera me de ferventis fornacis incendio

Sanctus Januarius Beneventanae civitatis episcopus a Timotheo judice percussus ad palmam martyrii cum sociis pervenit

Cum opinionem sancti viri Timotheus insanus audisset jussit eum exhiberi et fornacem igne succendi ut eum intromitteret si Christum non negaret

Cognoscentes duo ex clero sanct viri Festus diaconus et Desiderius lector teneri eum in vinculis venerunt flentes invisere eum et statim a judice detenti ad palmam martyrii cum ipso pervenerunt