Beati mundo corde quoniam ipsi deum videbunt

Beati pauperes spiritu quoniam ipsorum est regnum caelorum beati mites quoniam ipsi possidebunt terram beati qui lugent quoniam ipsi consolabuntur beati qui esuriunt et sitiunt justitiam quoniam ipsi saturabuntur

Beati misericordes quoniam ipsi misericordiam consequentur

Gloria patri*

Scimus quoniam diligentibus deum omnia cooperantur in bonum his qui secundum propositum vocati sunt sancti

Omnes sancti quanta passi sunt tormenta ut securi pervenirent ad palmam martyrii

Sapientiam sanctorum narrant populi et laudem eorum pronuntiat omnis ecclesia

Reddet deus mercedem laborum sanctorum suorum et deducet illis in via mirabili

Justi autem in perpetuum vivent et apud dominum est merces eorum

Spiritus et animae*

Gloria haec est omnibus sanctis ejus

In civitate domini ibi sonant jugiter organa sanctorum ibi cinnamomum et balsamum odor suavissimus carmina eorum ibi angeli et archangeli hymnum deo decantant ante thronum dei alleluia