Aversio parvulorum interficiet eos et prosperitas stultorum perdet illos qui autem me audierit absque terrore quiescet

O viri ad vos clamito et vox mea ad filios hominum

Sapientia aedificavit sibi domum excidit columnas septem subdidit sibi gentes superborumque et sublimium colla propria virtute calcavit

Ego in altissimis habitavi et thronus meus in columna nubis

Omnis sapientia a domino deo est et cum illo fuit semper et est ante aevum

Magna enim sunt judicia tua domine et inenarrabilia verba tua magnificasti populum tuum et honorasti

Sapientia clamitat in plateis si quis diligit sapientiam ad me declinet et eam inveniet et eam dum invenerit beatus est si tenuerit eam

Praebe fili cor tuum mihi oculi tui videant aequitatem ut addatur gratia capiti tuo

Dominus possedit me initio viarum suarum antequam quidquam faceret a principio necdum erant abyssi et ego parturiebar quando praeparabat caelos aderam cum eo componens omnia

Si bona suscepimus de manu domini mala autem quare non sustineamus dominus dedit dominus abstulit sicut domino placuit ita factum est sit nomen domini benedictum