Quis det ut veniat petitio mea et quod exspecto tribuat mihi deus

Desiderium meum omnipotens audi et tribue mihi auditorem qui aequitatem proponat contra me ut perveniat ad victoriam judicium meum

Nolo multa fortitudine contendat mecum nec magnitudinis suae mole me premat aequitatem proponat contra me

Inclinans faciem meam ingemisco commovebor omnibus membris meis scio enim domine quia impunitum me non dimittis et si sum impius quare non sum mortuus sed laboro

Quae est enim fortitudo mea ut sustineam aut quis finis meus ut patienter agam

Qui consolabatur me recessit a me quaero quod volui et non invenio fundunt oculi mei lacrimas quia repletus sum amaritudine

Fletum deduxerunt oculi mei et palpebras meas operuit umbra mortis

Auditu auris audivi te domine nunc autem oculus meus videt te idcirco ipse me reprehendo et ago paenitentiam in favilla et cinere

Unum locutus sum quod utinam non dixissem quibus ultra unum non addam sed ponam digitum ori meo