Cadat virtus eorum in iracundia tua qui promittunt se violare sancta tua

Nos alium deum nescimus praeter dominum in quo speramus qui non despiciet nos nec amovet salutem suam a genere nostro

Exspectemus humiles consolationem ejus qui non derelinquet nos

Dominator domine caelorum et terrae creator aquarum rex universae creaturae tuae exaudi orationem servorum tuorum

Domine deus exercituum magne et mirabilis

Domine deus qui conteris bella ab initio eleva bracchium tuum super gentes quae cogitant servis tuis mala et dextera tua glorificetur in nobis

Erige bracchium tuum sicut ab initio et allide virtutem eorum

Vos qui in turribus estis aperite portas dominus omnipotens fecit virtutem et victoriam dedit de inimicis nostris

Laudate dominum deum nostrum qui non deseruit sperantes in se

Laudate dominum deum nostrum qui non deseruit sperantes in se et in me adimplevit misericordiam suam quam promisit domui Israel

Laudate dominum omnes gentes et collaudate eum omnes populi

Adonai domine deus magne et mirabilis qui dedisti salutem in manu feminae exaudi preces servorum tuorum