Domine descende ut sanes filium meum priusquam moriatur dicit ei Jesus vade filius tuus vivit alleluia

Cognovit autem pater quia illa hora erat in qua dixit Jesus filius tuus vivit et credidit ipse et domus ejus tota

Dixit autem dominus servo redde quod debes procidens autem servus ille rogabat eum dicens patientiam habe in me et omnia reddam tibi

Patientiam habe in me domine peccavi et omnia reddam tibi

Serve nequam omne debitum dimisi tibi quoniam rogasti me nonne ergo oportuit et te misereri conservi tui sicut et ego tui misertus sum dicit dominus

Abeuntes pharisei consilium inierunt ut caperent Jesum in sermone alleluia

Reddite ergo quae sunt Caesaris Caesari et quae sunt dei deo alleluia

Cum sublevasset oculos Jesus et vidisset maximam multitudinem venientem ad se dixit ad Philippum unde ememus panes ut manducent hi hoc autem dicebat tempestas eos ipse enim sciebat quid esset facturus

Illi homines cum vidissent quod fecerat signum intra se dicebant quia hic est vere propheta qui venturus est in mundum

Respicite volatilia caeli quoniam non serunt neque metunt neque congregant in horrea sed pater vester caelestis pascit illa nonne vos magis pluris estis illis