Rex gloriose*

Laetamini*

Dic nobis quando haec erunt domine et quod signum adventus tui videte ne quis vos seducat ullo modo audituri enim estis proelia videte ne turbemini in patientia enim vestra possidebitis animas vestras alleluia

Cum essent in tormentis martyres Christi caelestia contemplantes dicebant adjuva nos domine ut perficiamus opus tuum sine macula

Corpora sanctorum in pace sepulta sunt et vivent nomina eorum in aeternum

Absterget deus omnem lacrimam ab oculis eorum et jam non erit amplius neque luctus neque clamor sed nec ullus dolor quoniam priora transierunt

Omnipotens deus qui gloriosa bella certaminis ad immortalitatis triumphum martyribus contulisti da cordibus nostris illam pro eorum commemoratione laetitiam ut quorum hic corpora pro amore amplectimur eorum precibus adjuvemur

Iniquitates nostras aufer a pater omnipotens ut hoc templum tuo nomini dedicatum puris mereamur mentibus introire sancta Maria cum istis omnibus que sanctis intercedente caelestes portas nobis dignare aperire