Ne perdas cum impiis deus animam meam R. Et cum viris sanguinum vitam meam

Nocte os meum perforatur doloribus et qui me comedunt non dormiunt a multitudine eorum consumitur vestimentum meum comparatus sum luto et assimilatus sum favillae et cineri

Nunc autem in memetipso marcescit anima mea et possident me dies afflictionis

Versa est in luctum cithara mea et organum meum in vocem flentium parce mihi domine nihil enim sunt dies mei

Cutis mea denigrata est super me et ossa mea aruerunt

Ne intres in judicium cum servo tuo domine educ de tribulatione animam meam

Velociter exaudi me domine defecit spiritus meus

Audivi vocem de caelo dicentem*

Requiem aeternam dona eis domine R. Et lux perpetua*

Exsultabunt domino ossa humiliata

Audivi vocem de caelo dicentem*

Omne quod dat mihi pater ad me veniet et eum qui venit ad me non ejiciam foras

Aeterne rerum conditor noctem diemque qui regis et temporum das tempora ut alleves fastidium

Praeco diei jam sonat noctis profundae pervigil nocturna lux viantibus a nocte noctem segregans

Hoc excitatus lucifer solvit polum caligine hoc omnis erronum chorus viam nocendi deserit

Hoc nauta vires colligit pontique mitescunt freta hoc ipsa petra ecclesiae canente culpam diluit

Surgamus ergo strenue Gallus jacentes excitat et somnolentos increpat Gallus negantes arguit

Gallo canente spes redit aegris salus refunditur mucro latronis conditur lapsis fides revertitur

Jesu labentes respice et nos videndo corrige si respicis lapsus cadunt fletuque culpa solvitur

Tu lux refulge sensibus mentisque somnum discute te nostra vox primum sonet et vota solvamus tibi

Deo patri sit gloria ejusque soli filio cum spiritu paraclito et nunc et in perpetuum | Amen

Splendor paternae gloriae de luce lucem proferens lux lucis et fons luminis dies diem illuminans

Verusque sol illabere micans nitore perpeti jubarque sancti spiritus infunde nostris sensibus

Votis vocemus et patrem patrem perennis gloriae patrem potentis gratiae culpam releget lubricam

Informet actus strenuos dentem retundat invidi casus secundet asperos donet gerendi gratiam

Mentem gubernet et regat casto fideli corpore fides calore ferveat fraudis venena nesciat

Christusque nobis sit cibus potusque noster sit fides laeti bibamus sobriam ebrietatem spiritus

Laetus dies hic transeat pudor sit ut diluculum fides velut meridies crepusculum mens nesciat

Aurora cursus provehit aurora totus prodeat in patre totus filius et totus in verbo pater

Deo patri sit gloria*

Jam lucis orto sidere deum precemur supplices ut in diurnis actibus nos servet a nocentibus

Linguam refrenans temperet ne litis horror insonet visum fovendo contegat ne vanitates hauriat

Sint pura cordis intima absistat et vecordia carnis terat superbiam potus cibique parcitas

Ut cum dies abscesserit noctemque sol reduxerit mundi per abstinentiam ipsi canamus gloriam

Deo patri sit gloria ejusque soli filio cum spiritu paraclito et nunc et in perpetuum | Amen

Nunc sancte nobis spiritus unum patri cum filio dignare promptus ingeri nostro refusus pectori

Os lingua mens sensus vigor confessionem personet flammescat igne caritas accendat ardor proximos

Praesta pater piissime patrique compar unice cum spiritu paraclito regnans per omne saeculum | Amen

Rector potens verax deus qui temperas rerum vices splendore mane instruis et ignibus meridiem

Extingue flammas litium aufer calorem noxium confer salutem corporum veramque pacem cordium

Praesta pater piissime*

Rerum deus tenax vigor immotus in te permanens lucis diurnae tempora successibus determinans

Rerum deus tenax vigor immotus in te permanens lucis diurnae tempora successibus determinans

Largire clarum vespere quo vita nusquam decidat sed praemium mortis sacrae perennis instet gloria

Praesta pater piissime*

Deus creator omnium polique rector vestiens diem decoro lumine noctem soporis gratia

Artus solutos ut quies reddat laboris usui mentesque fessas allevet luctusque solvat anxios

Grates peracto jam die et noctis exortu preces voti reos ut adjuves hymnum canentes solvimus

Te cordis ima concinant te vox canora concrepet te diligat castus amor te mens adoret sobria

Ut cum profunda clauserit diem caligo noctium fides tenebras nesciat et nox fide reluceat

Dormire mentem ne sinas dormire culpa noverit castos fides refrigeret somni vaporem temperet

Exuta sensu lubrico te cordis alta somnient ne hostis invidi dolo pavor quietos suscitet

Christum rogamus et patrem Christi patrisque spiritum unum potens per omnia fove precantes trinitas | Amen

Conditor alme siderum*

Venit redemptor gentium ostende partum virginis miretur omne saeculum tales decet partus deum

Non ex virili semine sed mystico spiramine verbum dei factum est caro fructusque ventris floruit

Alvus tumescit virginis claustra pudoris permanet vexilla virtutum micant versatur in templo deus

Procedens e thalamo suo pudoris aula regia geminae gigas substantiae alacris ut currat viam

Gloria tibi domine qui natus es de virgine*

Egressus ejus a patre regressus ejus ad patrem excursus usque ad inferos recursus ad sedem dei

Aequalis aeterno patri carnis tropaeo attingere infirma nostri corporis virtute firmans perpeti

Praesepe jam fulget tuum lumenque nox spirat novum quod nulla nox interpolet fideque jugi luceat

Gloria tibi domine qui natus es de virgine*

Audi benigne conditor nostras preces cum fletibus in hoc sacro jejunio fusas quadragenario

Scrutator alme cordium infirma tu scis virium ad te reversis exhibe remissionis gratiam

Multum quidem peccavimus sed parce confitentibus ad laudem tui nominis confer medelam languidis

Sic corpus extra conteri dona per abstinentiam jejunet ut mens sobria a labe prorsus criminum

Praesta beata trinitas concede simplex unitas ut fructuosa sint tuis jejuniorum munera

Christe qui lux es et dies noctis tenebras detegis lucisque lumen crederis lumen beatum praedicans

Precamur sancte domine defende nos in hac nocte sit nobis in te requies quietam noctem tribue

Ne gravis somnus irruat nec hostis nos surripiat nec caro illi consentiens nos tibi reos statuat

Oculi somnum capiant cor ad te semper vigilet dextera tua protegat famulos qui te diligunt

Defensor noster aspice insidiantes reprime guberna tuos famulos quos sanguine mercatus es

Memento nostri domine in gravi isto corpore qui es defensor animae adesto nobis domine

Deo patri sit gloria ejusque soli filio cum spiritu paraclito et nunc et in perpetuum | Amen

Vexilla regis prodeunt fulget crucis mysterium quo carne carnis conditor suspensus est patibulo

Confixa clavis viscera tendens manus vestigia redemptionis gratia hic immolata est hostia

Quo vulneratus insuper mucrone dire lanceae ut nos lavaret crimine manavit unda sanguine

Impleta sunt quae concinit David fideli carmine dicens in nationibus regnavit a ligno deus

Arbor decora et fulgida ornata regis purpura electa digno stipite tam sancta membra tangere

Beata cujus bracchiis pretium pependit saeculi statera facta est corporis praedamque tulit tartaris.

O crux ave spes unica hoc passionis tempore auge piis justitiam reisque dona veniam

Te summa deus trinitas collaudet omnis spiritus quos per crucis mysterium salvas rege per saecula | Amen

Hic est dies verus dei sancto serenus lumine quo diluit sanguis sacer probrosa mundi crimina

Hic est dies verus dei sancto serenus lumine quo diluit sanguis sacer probrosa mundi crimina

Fidem refundens perfidis caecosque visu illuminat quem non gravi solvit metu latronis absolutio

Qui praemium mutans cruce Jesum brevi quaesivit fide justosque praevio gradu praevenit in regnum dei

Opus stupent et angeli poenam videntes corporis Christoque adhaerentem reum vitam beatam carpere

Gloria tibi domine qui surrexisti a mortuis*

Mysterium mirabile ut abluat mundi luem peccata tollat omnium carnis vitia mundans caro

Quid hoc potest sublimius ut culpa quaerat gratiam metumque solvat caritas reddatque mors vitam novam

Hamum sibi mors devoret suisque nodis se liget moriatur vita omnium resurgat vita omnium

Cum mors per omnes transeat omnes resurgant mortui consumpta mors ictu suo perisse se solam gemat

Gloria tibi domine qui surrexisti*

Optatus votis omnium sacratus illuxit dies quo Christus mundi spes deus conscendit caelos arduos

Ascendens in altum dominus propriam sedem remeans gavisa sunt caeli regna reditu unigeniti

Magni triumphum proelii mundi perempto principe patris praesentans vultibus victricis carnis gloriam

Est elevatus nubibus et spem fecit credentibus aperiens paradisum quem protopastus clauserat

Gloria tibi domini qui scandis supra sidera cum patre*

O grande cunctis gaudium quod partus nostrae virginis post sputa flagra post crucem paternae sedi jungitur