Gloria tibi trinitas aequalis una deitas et ante omnia saecula et nunc et in perpetuum

Laus et perennis gloria deo patri cum filio sancto simul paraclito in saecula saeculorum

Gloria laudis resonet in ore omnium patri genitaeque proli spiritui sancto pariter resultet laude perenni

Laus deo patri parilique proli et tibi sancte studio perenni spiritus nostro resonet in ore omne per aevum

Ex quo omnia per quem omnia in quo omnia ipsi gloria in saecula

Gratias tibi deus gratias tibi vera una trinitas una et trina veritas trina et una unitas

Deum verum unum in trinitate et trinitatem in unitate venite adoremus

Adesto deus unus omnipotens pater et filius et spiritus sanctus

Te unum in substantia trinum in personis confitemur

Te semper idem esse vivere et intellegere profitemur

Benedicat nos deus deus noster benedicat nos deus et metuant eum omnes fines es terrae

Deus misereatur nostri et benedicat nos deus

Benedictus dominus deus Israel qui facit mirabilia solus et benedictum nomen majestatis ejus in aeternum

Replebitur majestate ejus omnis terra fiat fiat

Quis deus magnus sicut deus noster tu es deus qui facis mirabilia

Notam fecisti in populis virtutem tuam redemisti in bracchio tuo populum tuum

Te invocamus te adoramus te laudamus o beata trinitas

Spes nostra salus nostra honor noster o beata trinitas

Libera nos salva nos justifica nos o beata trinitas

Magnus dominus et magna virtus eius et sapientiae ejus non est numerus

Magnus dominus et laudabilis nimis et magnitudinis ejus non est finis

Gloria patri genitaeque proli et tibi compar utriusque semper spiritus alme deus unus omni tempore saecli

Da gaudiorum praemia da gratiarum munera dissolve litis vincula astringe pacis foedera

Honor virtus et potestas et imperium sit trinitati in unitate unitati in trinitate in perenni saeculorum tempore

Trinitati lux perennis unitati sit decus perpetim

Caritas pater est gratia Christus communicatio spiritus sanctus o beata trinitas

Verax est pater veritas filius veritas spiritus sanctus o beata trinitas

Una igitur pater logos paraclitusque substantia est o beata trinitas

Summae trinitati simplici deo una divinitas aequalis gloria coaeterna majestas patri prolique sanctoque pneumati qui totum subdit suis orbem legibus

Praestet nobis gratiam deitas beata patris ac nati pariterque spiritus almi

Benedicamus patri et filio cum sancto spiritu laudemus et superexaltemus eum in saecula

Benedictus es domine in firmamento caeli et laudabilis et gloriosus

Te deum patrem ingenitum te filium unigenitum te spiritum sanctum paraclitum sanctam et individuam trinitatem toto corde et ore confitemur laudamus atque benedicimus tibi gloria in saecula

Quoniam magnus es tu et faciens mirabilia tu es deus solus

O beata et benedicta et gloriosa trinitas pater et filius et spiritus sanctus

O beata benedicta gloriosa trinitas pater filius spiritus sanctus

O vera summa sempiterna trinitas pater et filius et spiritus sanctus

O vera summa sempiterna trinitas pater et filius et spiritus sanctus

Te jure laudant te adorant te glorificant omnes creaturae tuae o beata trinitas

Benedicta sit creatrix et gubernatrix omnium sancta et individua trinitas et nunc et semper et per infinita saecula saeculorum

Benedicta sit sancta trinitas atque indivisa unitas confitebimur ei quia fecit nobiscum misericordiam suam

Gloria et honor deo in unitate trina patri et filio cum sancto spiritu in sempiterna saecula

In patre manet aeternitas in filio aequalitas in spiritu sancto aeternitatis aequalitatisque connexio

Sanctus sanctus sanctus dominus deus omnipotens qui erat et qui est et qui venturus est

Gloria et honor et benedictio sedenti super thronum viventi in saecula saeculorum

Benedictio et claritas et sapientia et gratiarum actio honor virtus et fortitudo deo nostro in saecula saeculorum amen