Beatus Constantius*

Nempe revertenti*

Chorus hymnizans*

Justus ut palma*

Martyr Constanti populo te concelebranti praesenti festo suffragator pius esto Christum placando nobis veniamque rogando ut quam speramus post hanc vitam capiamus

Ut colletemur sanctis laudes modulemur auctori vitae psalmum cantando venite

Martyr dei qui*

Actu subtili Constantius a puerili flore deo gratus dignoscitur esse beatus

Indolis istae bone munda sub religione mansuetus crevit et carnis ludicra sprevit

Praesul enim factus divina lege coactus quam bene delegit sibi noxia cantus abegit

Gloria et honore coronasti*

Egregii martyris Constantii transitum recolentes tuam domine laudamus potentiam

Caelos implentem pelagus terramque regentem

Sacris hic itaque scripturis intentus utiliter ipsas tenaci commendabat memoriae

Quae fecere viam sibi firmius ad theoriam

Agonista dei Constantius voluptuosis repugnavit affectibus crucemque suam tollens dominum est secutus

Postposito patre cum fratre sororeque matre

Gloria patri et filio et spiritui sancto

lllicitos motus frangendo per omnia totus Christo servire studuit mundoque perire

Hunc deus orantem votivaque munia dantem latius audivit merito nam justa petivit

Se poenitus Christe sanctus tibi subdidit istae regna petens lucis quo dilectos tibi ducis

Posuisti domine*

Iste sanctus vitae merito laudabilis orans quod credidit in vinea domini cultor fidelis exstitit

Uvam conservans igni fruticem coacervans

Carnales in se luxus conprimendo lumbos praecinxit et in manibus suis lucernas ardentes tenuit

Respergens late plures morum probitate

Beatus Constantius dum gereret officium mandrite solliciti corda plurimorum imbuit sacramentis fidei

Nempe revertenti domino dans lucra talenti

Gloria patri et filio et spiritui sancto

Dogmata pravorum detestans facta bonorum traxit in exemplum domino cupiens fore templum

Ambiguae fortis victor miles quasi fortis qui maculam nescit in monte Sion requiescit

Ornatu magno fulget comes additus agno crimina qui lavit orbi mortemque fugavit

Magna est gloria*

De praesulatus dignitate collata coelitus vero sacerdoti obligatior humilem se ministrum exhibuit

Grande sciens donum summamque timens rationum

Legitimum electus deo certamen executus lota in agni sanguine stola sua palmam optinet perennis gloriae

Astans divinae majestati sine fine

Gloria patri et filio et spiritui sancto

Gloriosus dei athleta Constantius fervens amore sancti spiritus minas et terrores judicum non timuit saecularium

Arripiens scutum fidei tegimen sibi tutum

Gloria patri et filio et spiritui sancto

Post maris alta rubri Constantius arte salubri litore consedit cui quaequae molestia cedit

Tendens vela citus placitis ventisque potitus

Gloria patri et filio et spiritui sancto

Curia caelestis sollemnibus inclyta festis balsamico more predulci fraglat odore

Intermixta rosis rubet et gemmis pretiosis candens in gyro collucet lumine miro

Nactus Constanti splendoris gaudia tanti securus degis Christi sacer accola regis

Hoc est insignae tibi sanctorum quia digne ad sua te coetus misit consortia laetus

Eia coronatus in caelis perpetuatus ipsum collaudes cui te convivere gaudes

Chorus hymnizans*

Justus ut palma*

Nocturnis horis concentu cordis et oris plebs tibi devota quae debet agens pia vota martyris hujus passio cujus sancta notatur da prece prospera pelle sed aspera Christe precatur

Mente colens pura dominum risit ruitura felix conflictus cujus finis benedictus

Quem calcare facis sunt deus atria pacis admirandus erit sibi qui loca talia quaerit

Palmis aequatus ut cedrus multiplicatus semper florebit adversa quae nulla timebit

Institit humori vir sanctus ut uberiori polleret quaestu nullo perterritus estu

Chorus hymnizans*

Justus ut palma florebit*

Obsequiis te domine laudis vespertine magnificantes quaesumus ut per sancti martyris Constantii merita nos informatos virtutibus supernae patriae civibus digneris consotiare

Impetret nobis domine sanctus martyr Constantius vitae commoda praesentis ut exuti periculis omnibus tuis insistere valeamus devotiores laudibus