Virgo verbo concepit virgo permansit virgo peperit regem omnium regum

Nesciens mater virgo virum peperit sine dolore salvatorem saeculorum ipsum regem angelorum sola virgo lactabat ubere de caelo pleno

Nato domino angelorum chori canebant dicentes salus deo nostro sedenti super thronum et agno

Virgo dei genetrix quem totus non capit orbis in tua se clausit viscera factus homo vera fides genitus purgavit crimina mundi et tibi virginitas inviolata manet

Ecce Maria genuit nobis salvatorem quem Joannes videns exclamabat dicens ecce agnus dei ecce qui tollit peccata mundi alleluia

Natus est nobis deus de deo lumen de lumine quod erat in principio

Natus est nobis salvator mundi qui est Christus dominus in civitate David

Pastores loquebantur ad invicem transeamus Bethleem et videamus hoc verbum quod dominus ostendit nobis alleluia

Sancta et immaculata virginitas quibus te laudibus referam nescio quia quem caeli capere non poterant tuo gremio contulisti

Continet in gremio caelum terramque regentem virgo dei genetrix proceres comitantur heriles per quos orbis ovans Christo sub principe pollet

O regem caeli cui talia famulantur obsequia stabulo ponitur qui continet mundum jacet in praesepio et in nubibus tonat

In praesepio jacebat et in caelis fulgebat ad nos veniebat et apud patrem manebat

Verbum caro factum est et habitabit in nobis et vidimus gloriam ejus gloriam quasi unigeniti a patre plenum gratia et veritate alleluia alleluia alleluia

Tamquam sponsus R. Dominus procedens*

Speciosus forma R. Prae filiis hominum

Ipse invocabit me R. Pater meus*

Benedictus qui venit R. In nomine*

In sole posuit R. Tabernaculum suum

Laetentur caeli R. Et exsultet terra

Notum fecit dominus*

Tecum principium R. In die virtutis*

Speciosus forma prae filiis hominum

Diffusa est gratia in labiis tuis

Benedictus qui venit in nomine domini

Deus dominus et illuxit nobis

Natus est nobis salvator mundi

Qui est Christus dominus in civitate David

Notum fecit dominus salutare suum

In conspectu gentium revelavit justitiam suam