Egredietur dominus et proeliabitur contra gentes et stabunt pedes ejus supra montem Olivarum ad orientem
Ex Sion species decoris ejus deus noster manifeste veniet
Praecursor pro nobis ingreditur agnus sine macula secundum ordinem Melchisedech pontifex factus est in aeternum et in saeculum saeculi
Ecce dominator dominus cum virtute veniet
Videbunt gentes justum tuum et cuncti reges inclytum tuum et vocabitur tibi nomen novum quod os domini nominavit
Et eris corona gloriae in manu domini et diadema regni in manu dei tui
Emitte agnum domine dominatorem terrae de petra deserti ad montem filiae Sion
Rorate caeli desuper et nubes pluant justum aperiatur terra et germinet salvatorem
Germinaverunt campi eremi germen odoris Israel quia ecce deus noster cum virtute veniet et splendor ejus cum eo
Egredietur virga de radice Jesse et flos de germine ejus ascendet et erit justitia cingulum lumborum ejus et fides cinctorium renum ejus