Mirabile mysterium*

Tecum principium*

Tria sunt munera*

Tribus miraculis ornatum diem sanctum colimus hodie stella magos duxit ad praesepium hodie vinum ex aqua factum est ad nuptias hodie a Joanne Christus baptizari voluit ut salvaret nos alleluia

Videntes stellam magi gavisi sunt gaudio magno et intrantes domum obtulerunt domino aurum thus et myrrham

Vidimus stellam ejus in oriente et venimus cum muneribus adorare dominum

Stella ista sicut flamma coruscat et regem regum deum demonstrat magi eam viderunt et Christo regi munera obtulerunt

Ab oriente venerunt magi ut in Bethleem adorarent dominum et apertis thesauris suis pretiosa munera obtulerunt aurum sicut regi magno thus sicut deo vero myrrham sepulturae ejus alleluia

Fontes aquarum sanctificati sunt Christo apparente in gloria orbi terrarum haurite aquas de fonte salutaris sanctificavit enim nunc omnem creaturam Christus deus noster

Caeli aperti sunt super eum et vox facta est de caelo dicens hic est filius meus dilectus in quo mihi complacui