Ego dixi domine miserere mei sana animam meam quia peccavi tibi

Domine ne in ira tua arguas me neque in furore tuo corripias me

Sedes tua deus in saeculum saeculi virga aequitatis virga regni tui

Dilexisti justitiam et odisti iniquitatem propterea unxit te deus deus tuus

Ne perdideris me domine cum iniquitatibus meis neque in finem iratus reserves mala mea

Miserere mei deus miserere mei quoniam in te confidit anima mea

Paratum cor meum deus paratum cor meum cantabo et psalmum dicam domino

Exsurge gloria mea exsurge psalterium et cithara exsurgam diluculo

Adjutor meus tibi psallam quia deus susceptor meus es deus meus misericordia mea

Eripe me de inimicis meis deus meus et ab insurgentibus in me libera me

Exaudi deus deprecationem meam intende orationi meae a finibus terrae ad te clamavi domine

Dum anxiaretur cor meum in petra exaltasti me deduxisti me quia factus es adjutor meus

Deus in te speravi domine non confundar in aeternum in tua justitia libera me et eripe me