Omnipotens adorande colende tremende benedico te quia per filium tuum unigenitum evasi minas hominum impiorum et spurcitias diaboli impolluto calle transivi

Ingressa Agnes turpitudinis locum angelum domini praeparatum invenit

Ipsi sum desponsata cui angeli serviunt cujus pulchritudinem sol et luna mirantur ipsi soli servo fidem ipsi me tota devotione committo

Propter veritatem et mansuetudinem et justitiam

Induit me dominus vestimento salutis et indumento laetitiae circumdedit me et tamquam sponsam decoravit me corona

Induit me dominus cyclade auro texta et immensis monilibus ornavit me

Stans beata Agnes in medio flammae expansis manibus orabat ad dominum omnipotens adorande colende tremende benedico te et glorifico nomen tuum in aeternum

Jam corpus ejus corpori meo sociatum est et sanguis ejus ornavit genas meas cujus mater virgo est cujus pater feminam nescit

Ipsi sum desponsata cui angeli serviunt cujus pulchritudinem sol et luna mirantur