Facta autem die ibat Jesus in desertum locum et turbae requirebant eum et venerunt usque ad ipsum et detinebant illum ne discederet ab eis alleluia

Detinebant turbae Jesum ne discederet ab eis quibus ille dixit quia et aliis civitatibus oportet me evangelizare regnum dei alleluia

Hi qui linguis loquuntur novis Galilaei sunt et serpentes tollent alleluia

Ultimo festivitatis die dicebat Jesus qui in me credit flumina de ventre ejus fluent aquae vivae hoc autem dixit de spiritu quem accepturi erant credentes in eum alleluia

Nisi quis renatus fuerit ex aqua et spiritu non potest introire in regnum dei quia quod natum est de carne caro est et quod natum est de spiritu spiritus est alleluia alleluia

Spiritus ubi vult spirat et vocem ejus audis alleluia et nescis unde veniat aut quo vadat alleluia alleluia

Amen amen dico tibi nisi quis natus fuerit denuo non potest videre regnum dei alleluia

Verbo domini caeli firmati sunt

Confirma hoc deus quod operatus es in nobis

Emitte spiritum tuum et creabuntur