Sancti tui domine mirabile consecuti sunt iter servientes praeceptis tuis ut invenirentur illaesi in aquis validis terra apparuit arida et in mari Rubro via sine impedimento

Quoniam percussit petram et fluxerunt aquae et torrentes inundaverunt

Verbera carnificum non timuerunt sancti dei morientes pro Christi nomine ut heredes fierent in domo domini

Tradiderunt corpora sua ad supplicia propter dominum

Haec est vera fraternitas*

Sancti estis dicit dominus multiplicabo numerum vestrum ut oretis pro populo meo in loco isto

Dabo sanctis meis*

Scimus quoniam*

Propter testamentum domini et leges paternas astiterunt sancti dei in amore fraternitatis quia unus fuit semper spiritus in eis et una fides

Ecce quam bonum et quam jucundum habitare fratres in unum

In circuitu tuo domine lumen est quod numquam deficiet ubi constituisti lucidissimas mansiones ibi requiescunt sanctorum animae

Magnus dominus et laudabilis nimis in civitate dei nostri in monte sancto ejus

Isti sunt sancti qui pro testamento dei sua corpora tradiderunt et in sanguine agni laverunt stolas suas

Tradiderunt corpora sua propter deum ad supplicia et meruerunt habere coronas perpetuas