Recessit pastor noster fons aquae vivae ad cujus transitum sol obscuratus est nam et ille captus est qui captivum tenebat primum hominem hodie portas mortis et seras pariter salvator noster disrupit

Ante cujus conspectum mors fugit ad cujus vocem mortui resurgunt videntes autem eum portae mortis confractae sunt

O vos omnes qui transitis per viam attendite et videte si est dolor similis sicut dolor meus

Attendite universi populi et videte dolorem meum

Ecce quomodo moritur justus et nemo percipit corde viri justi tolluntur et nemo considerat a facie iniquitatis sublatus est justus et erit in pace memoria ejus

In pace factus est locus ejus et in Sion habitatio ejus

Deus adjuvat me et dominus susceptor est animae meae

In pace factus est locus ejus et in Sion habitatio ejus

Factus sum sicut homo sine adjutorio inter mortuos liber

In pace factus est locus ejus R. Et in Sion habitatio ejus

Aestimatus sum cum descendentibus in lacum factus sum sicut homo sine adjutorio inter mortuos liber

Et sicut vulnerati dormientes projecti in monumentis quorum non es memor amplius et ipsi quidem de manu tua expulsi sunt

Agnus dei Christus immolatus est pro salute mundi nam de parentis protoplasti fraude factor condolens quando pomi noxialis morsu in mortem corruit ipse lignum tunc notavit damna ligni ut solveret

Christus factus est pro nobis oboediens usque ad mortem mortem autem crucis

Sicut ovis ad occisionem ductus est et dum male tractaretur non aperuit os suum traditus est ad mortem ut vivificaret populum suum

In pace factus est locus ejus et in Sion habitatio ejus

O mors ero mors tua morsus tuus ero inferne

Plangent eum quasi unigenitum quia innocens dominus occisus est

Attendite universi populi et videte dolorem meum

A porta inferi erue domine animam meam

O vos omnes qui transitis per viam attendite et videte si est dolor sicut dolor meus

Collocavit me in obscuris R. Sicut mortuos saeculi

Mulieres sedentes ad monumentum lamentabantur flentes dominum

Sepulto domino signatum est monumentum ponentes milites qui custodirent eum

Ululate pastores et clamate aspergite vos cinere quia completi sunt dies domini

Videbunt in quem transfixerunt et plangent super eum omnes tribus terrae

Joseph ab Arimathia petivit corpus Jesu et sepelivit eum in sepulcro suo

Kyrie eleison*

Qui passurus advenisti propter nos

Domine miserere*

Christus dominus factus est oboediens usque ad mortem

Kyrie eleison*

Qui prophetice prompsisti ero mors tua o mors

Domine miserere*

Christus dominus*

Kyrie eleison*

Qui expansis in cruce manibus traxisti omnia ad te saecula

Domine miserere*

Christus dominus*

Vespere autem sabbati quae lucescit in primam sabbati venit Maria Magdalena et altera Maria videre sepulcrum alleluia

Et ecce terraemotus factus est magnus angelus enim domini descendit de caelo alleluia

Erat enim aspectus ejus sicut fulgur vestimenta ejus candida sicut nix alleluia

Prae timore autem ejus exterriti sunt custodes et facti sunt velut mortui alleluia

Venite et videte locum ubi positus erat dominus alleluia alleluia

Cito euntes dicite discipulis quia surrexit dominus alleluia

Alleluia exsurge domina alleluia exurgam diluculo alleluia alleluia

Alleluia alleluia alleluia

Ego sum qui sum et consilium meum non est cum impiis sed in lege domini voluntas mea est alleluia

Postulavi patrem meum alleluia dedit mihi gentes alleluia in hereditatem alleluia

Ego dormivi et somnum coepi et exsurrexi quoniam dominus suscepit me alleluia alleluia

Angelus domini descendit de caelo et accedens revolvit lapidem et super eum sedit et dixit mulieribus nolite timere scio enim quia crucifixum quaeritis jam surrexit venite et videte locum ubi positus erat dominus alleluia

Angelus domini locutus est mulieribus dicens quem queritis an Jesum quaeritis

Angelus domini locutus est mulieribus dicens quem quaeritis an Jesum quaeritis jam surrexit venite et videte alleluia alleluia

Ecce praecedet vos in Galilaeam ibi eum videbitis sicut dixit vobis

Dum transisset sabbatum Maria Magdalena et Maria Jacobi et Salomae emerunt aromata ut venientes unguerent Jesum alleluia alleluia

Et valde mane una sabbatorum veniunt ad monumentum orto jam sole

Haec est alma dies in qua spoliatur avernus et surrexit homo deus exsultate redempti

Et valde mane una sabbatorum veniunt ad monumentum orto jam sole alleluia

Et dicebant ad invicem quis revolvet nobis lapidem ab ostio monumenti alleluia alleluia

Et respicientes viderunt revolutum lapidem erat quippe magnus valde alleluia

Angelus autem domini descendit de caelo et accedens revolvit lapidem et sedebat super eum alleluia alleluia

Respondens autem angelus dixit mulieribus nolite timere scio enim quod Jesum quaeritis alleluia

Alleluia lapis revolutus est ab ostio monumenti quia surrexit dominus alleluia alleluia

Jesum quem quaeritis non est hic sed surrexit recordamini qualiter locutus est vobis dum adhuc in Galilaea esset alleluia

In Galilaea Jesum videbitis sicut dixit vobis alleluia

Jesum qui crucifixus est quaeritis alleluia non est hic surrexit enim sicut dixit vobis alleluia

Nolite expavescere Jesum Nazarenum quaeritis crucifixum non est hic surrexit alleluia

Post passionem domini factus est conventus quia non est inventum corpus in monumento lapis sustinuit perpetuam vitam monumentum reddidit caelestem margaritam alleluia

Scio quod Jesum quaeritis crucifixum surrexit alleluia

Surgens Jesus mane prima sabbati apparuit primo Mariae Magdalenae de qua ejecerat septem daemonia alleluia

Surgens Jesus mane*

Jesum quem quaeritis*

Jesum qui crucifixus*

In Galilaea Jesum*

In die resurrectionis meae dicit dominus alleluia congregabo gentes et colligam regna et effundam super vos aquam mundam alleluia

Vidi aquam egredientem de templo a latere dextero alleluia et omnes ad quos pervenit aqua ista salvi facti sunt et dicent alleluia alleluia

Quem quaeritis in sepulcro christicolae

Jesum Nazarenum crucifixum o caelicolae

Non est hic surrexit sicut praedixerat ite nuntiate quia surrexit de sepulcro

Surrexit enim sicut dixit dominus ecce praecedet vos in Galilaeam ibi eum videbitis alleluia alleluia

Sedit angelus ad sepulcrum domini stola claritatis coopertus videntes eum mulieres nimio terrore perterritae substiterunt a longe tunc locutus est angelus et dixit eis nolite metuere dico vobis quia illum quem quaeritis mortuum jam vivit et vita hominum cum eo surrexit alleluia

Recordamini quomodo praedixit quia oportet filium hominis crucifigi et tertia die a morte suscitari

Crucifixum dominum laudate et sepultum propter vos glorificate resurgentemque a morte adorate alleluia

Et recordatae sunt verborum ejus et regressae a monumento nuntiaverunt haec omnia illis undecim et ceteris omnibus alleluia

Haec dies*

Alleluia Pascha nostrum*

Surrexit enim sicut dixit dominus et praecedet vos in Galilaeam alleluia ibi eum videbitis alleluia alleluia alleluia

Cito euntes*

Scio quod Jesum*

Surrexit dominus vere alleluia

Alleluia alleluia alleluia

--*

In resurrectione tua Christe alleluia caelum et terra laetentur alleluia

Maria Magdalena et altera Maria ibant diluculo ad monumentum Jesum quem quaeritis non est hic surrexit sicut locutus est praecedet vos in Galilaeam ibi eum videbitis alleluia alleluia

Cito euntes dicite discipulis ejus et Petro quia surrexit dominus

Surgens Jesus dominus noster stans in medio discipulorum suorum dixit pax vobis alleluia gavisi sunt discipuli viso domino alleluia

Surrexit dominus de sepulcro qui pro nobis pependit in ligno

Congratulamini mihi omnes qui diligitis dominum quia quem quaerebam apparuit mihi et dum flerem ad monumentum vidi dominum meum alleluia

Tulerunt dominum meum et nescio ubi posuerunt eum si tu sustulisti eum dicito mihi

Jesus junxit se discipulis suis in via et ibat cum illis oculi eorum tenebantur ne eum agnoscerent et increpabat eos dicens o stulti et tardi corde ad credendum in his quae locuti sunt prophetae alleluia