Benedictus*

Antequam*

Deus creator*

Vespertina*

Cum audisset iob nunciorum verba sustinuit pacienter et ait si bona suscepimus de manu domini mala autem quare non sustineamus in omnibus his non peccavit Job labiis suis neque aliquid stultum contra deum locutus est

In omnibus his non peccavit Job labiis suis neque stultum quid contra deum locutus est

Regem magnum*

Si bona suscepimus de manu domini mala autem quare non sustineamus dominus dedit dominus abstulit sicut domino placuit ita factum est sit nomen domini benedictum

In omnibus his non peccavit Job labiis suis neque stultum quid contra deum locutus est

Antequam comedam suspiro et tamquam inundantes aquae sic rugitus meus quia timor quem timebam evenit mihi et quod verebar accidit nonne dissimulavi nonne silui et jam quievi et venit super me indignatio tua domine

Nolo multa fortitudine contendat mecum nec magnitudinis suae mole me premat aequitatem proponat contra me

Utinam appenderentur peccata mea quibus iram merui et calamitas quam patior in statera

Quasi harena maris haec gravior apparet unde et verba mea dolore sunt plena

Quare detraxistis sermonibus veritatis ad increpandum verba componitis et subvertere nitimini amicum vestrum verumtamen quae cogitastis explete

Militia est vita hominis super terram et sicut dies mercennarii dies ejus

Induta est caro mea putredine et sordibus pulveris cutis mea aruit et contracta est memento mei domine quia ventus est vita mea

Dies mei sicut umbra declinaverunt et ego sicut fenum arui

Paucitas dierum meorum finitur brevi dimitte me domine sine plangam paululum dolorem meum antequam vadam ad terram tenebrosam et opertam mortis caligine

Ecce in pulvere sedeo et in pulvere dormio et si mane me quaesieris non subsistam

Ne abscondas me domine a facie tua manum tuam longe fac a me et formido tua non me terreat

Voca me et respondebo tibi aut certe loquar et tu responde mihi

Quis mihi tribuat ut in inferno protegas me et abscondas me donec pertranseat furor tuus domine nisi tu qui solus es deus et constituas tempus in quo recorderis mei

Numquid sicut dies hominis dies tui ut quaeras iniquitatem meam cum sit nemo qui de manu tua possit eruere

Numquid dominus supplantat judicium aut omnipotens subvertit quod justum est libera me domine et pone me juxta te et cujusvis manus pugnet contra me

Apprehende arma et scutum et exsurge in adjutorium mihi

Nocte os meum perforatur doloribus et qui me comedunt non dormiunt a multitudine eorum consumitur vestimentum meum comparatus sum luto et assimilatus sum favillae et cineri

O custos hominum quare me posuisti contrarium tibi et factus sum mihimetipsi gravis parce mihi domine nihil enim sunt dies mei

Scio domine quia morti me traditurus es ubi constituta est omnis domus viventium spero in te domine quia non ad consumptionem meam emittis manum tuam et si in profundum inferni dimersus fuero inde me liberabis

Si ascendero in caelum tu illic es et si descendero ad infernum

Versa est in luctum cithara mea et organum meum in vocem flentium parce mihi domine nihil enim sunt dies mei

O custos hominum quare me posuisti contrarium tibi et factus sum mihimetipsi gravis

Nonne cognoscit deus vias meas et cunctos gressus meos dinumerat quod si ambulavi in vanitate aut festinavit in dolo pes meus appendit me in statera justa et probet deus innocentiam meam

Quis det ut veniat petitio mea et quod exspecto tribuat mihi deus

Adesto dolori meo deus nimium fatigor et cecidit in luctum cithara mea et cantatio mea in plorationem

Versa est in luctum cithara mea et organum meum

Auditu auris audivi te domine nunc autem oculus meus videt te idcirco ipse me reprehendo et ago paenitentiam in favilla et cinere

Unum locutus sum quod utinam non dixissem et alterum quibus ultra nihil addam sed ponam digitum ori meo

Qui consolabatur me recessit a me quaero quod volui et non invenio fundent oculi mei lacrimas quia repletus sum amaritudine

Fletum deduxerunt oculi mei et palpebras meas cooperuit umbra mortis

Desiderium meum omnipotens audi et tribue mihi auditorem qui aequitatem proponat contra me ut perveniat ad victoriam judicium meum

Nolo multa fortitudine contendat mecum nec magnitudinis suae mole me premat aequitatem proponat contra me

Inclinans faciem meam ingemisco commovebor omnibus membris meis scio enim domine quia impunitum me non dimittis et si sum impius quare non sum mortuus sed laboro

Quae est enim fortitudo mea ut sustineam aut quis finis meus ut patienter agam