Quasi stella matutina aurorae praenuntia ex Aaron sancta Anna refulsit prosapia quam orituram rex gloriae benedixit in semine praeclari patris Abrahae
1--dc-dfed--cd-d--dc-f-gh-h---

Celebremus*

Lucis hujus festa*

Devoto corde Christo jubilemus et ore Annam qui sanctam caeli transivexit ad aulam

Admirabilem dominum salvatorem omnium collaudemus animo et corde in memoriam sanctae Annae

Cujus proles benedictus et dei patris filius pro nobis nasci exultavit et pro nobis ad mortem properavit

Sancta Anna est benedicta in semine Abrahae a deo quia haec est felix generatio quae salutem adtulit unniverso mundo
1---ee-fed--gh-k--k--

Fulget beatissima Anna fructu salutis fecundata que ex sacerdotali inclita est prosapia progenita

Hanc in semine Abrahae benedixit rex glorie

Praeclara mater Anna ex stirpe aaron orta veneranda cunctis emicuit que matrem domini genuit

Et ut sidus aureum decoravit seculum

Tu es Anna laudabilis quae praecibus atque votis prolem a deo postulatam genuisti magnificam

Per quam mors fugata cedit per quam salus nostra redit

Gloria patri et filio et spiritui sancto

Audi filia et vide dolorem nostrae angustiae et ... nostras

In utero sanctae ... gloriae

Gloriosa de te dicta sunt mater eximia quae sola digna fuisti gignere matrem Christi

Tu es Sara faecunda quae risum et gaudia mundo flebili intulisti dum Mariam peperisti stellam maris matrem Christi

Cujus quippe partus gaudio mundum implevit et jubilo

O laudandam faeminam quae vidit benedictam et decoram speciae et plenam clemencie salvantem a periculis progenuit populis

Quae casta holofernem prostravit et dei populum liberavit

Celebremus devotissime memoriam Annae sanctissimae a qua nostra salus est inchoata et pax a deo patre nobis data

Laudemus dominum salvatorem omnium toto corde et ore sub honore sancte Annae

Gloria patri et filio et spiritui sancto

Exultet omnis terra quoniam beata Anna Mariam nobis genuit ex qua deus natus nos salvare venit

Cum domino Anna exultabit et cum eo sine fine regnabit

Corde et animo pio cantemus gloriam deo qui fecit mirabilia in Annae matris filia

Sidus Anna tres lucernas erranti mundo intulit dum faecunda mater ternas filias claras protulit quarum virgo Maria dignior ut sol stellis refulget clarior

Haec mater regis gloriae et plena omnis gratiae

Anna corregnat gloriosa inter filias Jerusalem speciosa quam filiae Sion viderunt et beatissimam praedicaverunt

Et reginae ejus faciem laudaverunt desiderabilem

O decus mundi felix Anna tu gloria et honore coronata es in patria exora assiduis praecibus tuam memoriam agentibus

Gaudes namque regnas cum Christo et tua benedicta prole in vestitu deaurata circumdata varietate

Gloria patri et filio et spiritui sancto

Dominus sanctae Annae praeparavit sedem gloriae quam obtinet digna laude in dierum longitudine

Haec introducta caelestibus portis cum hymnis et laudibus juncta est sanctorum caetibus

Labia omnium collaudent dominum quia omnibus gentibus sancta Anna terra benedicta dedit fructum suum

Benedicamus Jesum salvatorem omnium ex prolae Annae genitum

Anna Sion filia in rege suo exultabit quam secum in gloria super caelos exaltavit

Lucis hujus*

Audi filia*

O lampas mundi o lumen caeli felix Anna laude digna tu benedicta faemina cujus proles omnibus nobis Christum genuit qui nos a nostris sordibus unda cruore abluit et a cunctis hostibus sua morte exuit

O decus mundi*

Exultas Anna in Jesu pio dei prolis quem tuae filio cum qua prolae magnifica pro nobis Christo supplica ut nos purget a sordibus et jungat sanctorum caetibus