Maria stabat ad monumentum foris plorans dum ergo fleret inclinavit se et prospexit in monumentum et vidit duos angelos in albis sedentes unum ad caput et unum ad pedes ubi positum fuerat corpus domini Jesu

Conversa Maria vidit Jesum stantem et nesciebat quia Jesus est mulier quid ploras quem quaeris domine si tu sustulisti eum dicito mihi ubi posuisti eum et ego eum tollam

Noli me tangere dixit dominus Jesus Mariae non dum enim ascendi ad patrem meum vade autem ad fratres meos et dic eis ascendo ad patrem meum et patrem vestrum deum in eum et deum vestrum venit Maria annuntians discipulis quia vidi dominum et haec dixit mihi

O quanta vis amoris hujus mulieris mentem ascenderat quae a monumento domini etiam discipulis recedentibus non recedebat

Exquirebat Maria quem non invenerat flebat inquirendo et amoris sui igne succensa ejus quem ablatum credidit ardebat desiderio unde contigit ut eum sola tunc videret que remansit ut quereret

Accessit ad pedes Jesu peccatrix mulier Maria et osculata est et lavit lacrimis et tersit capillis et unxit unguento

Dimissa sunt ei peccata multa quoniam dilexit multum

Gloria patri et filio et spiritui sancto

Jesu Christe*

Diffusa*

Celsi meriti Maria quae solum verum resurgentem videre meruisti mortalium prima obtine ut nos visu gloriae suae tecum laetificet in caelis

Aeternum trinumque deum laudemus et unum qui sibi N. transvexit in aethera sanctam

Sidus solare*

Cum discubuisset in domo Simonis dominus Jesus mundi gloria mulier secum quae erat peccatrix nardi odorifera exhibuit unguenta

Secus pedes ipsius astans incessanter ore sacrato diva vestigia osculatur lacrimis plena

Irrigabat igitur dominicos Jesu pedes fracto quoque alabastro praecipuis odoribus fragrabat domus omnis atque capillorum officio detergebat

Diffusa est*

Laetetur omne saeculum in sollemnitate sanctae Mariae quam Jesus aeternus amor dilexit plurimum

Haec Maria fuit illa domino gratissima quae unguento pretioso pedes unxit domini

Optimam partem elegit sibi Maria quae non auferetur ab ea in aeternum

Diligens dominum ex corde perfectissimo caelorum optinuit dignitatem

Pectore sincero dominum Maria recondens unxit purgantem baptismi gurgite sancto

Abstergat domina noxis famulos praecibus

Simon autem intra se inquit si esset propheta sciret profecto quae et qualis est quae tetigit eum quia peccatrix est

Et conversus dominus dixit postquam veni in domum tuam non cessat crine fuso haec meos osculari pedes

Quoniam multum dilexeras dimissa scito tibi peccamina et fide qua polles facta in pace dimitto

Specie tua et*

Felix Maria unxit pedes Jesu et extersit capillis suis et domus impleta est ex odore unguenti

Mixto rore balsami fracto fudit alabastro quae unguento pretioso pedes unxit domini

Hic certe praecipuus Mariae Magdalenae amor quae a monumento dominico discipulis recedentibus non recessit

Gloria patri et filio et spiritui sancto

Ardore caritatis succensa quem sepultum noverat sublatum credens de sepulcro

Aeternis accumulata muneribus Maria Magdalena posce ut in his nobis sollemnitatibus divina perpetuae pacis gaudia promereri Christus concedat

Subditae tibi plebis fletus solve benignis precantibus ut quandoque tecum

Satagebat igitur Martha soror Mariae Magdalenae circa ministerium quae sedens secus pedes domini audiebat verba oris ejus

Non est Martha inquit tibi curae quod soror mea me reliquit solam ministrare jube illi ut me adjuvet

Et respondens statim dixit illi dominus unum extat certe necesse haec optomam sibi partem elegit quae non auferetur

Adjuvabit eam deus*

O beata Maria quae piarum undis lacrimarum tersisti tuorum maculas criminum assidue te exorare de poscimus pro nostris excessibus

Summis caelorum civibus glomerata jamque aeterna immortalitate induta

Flagrans Jesus muneribus intimis Maria jam praecordiis affatum perunxit sacrata ungento vestigia unde peerfectam meruit suorum delictorum veniam

Peccaminum nostrorum sordes piissimis diluat interventibus divino fonte

O felix sacrorum lacrimis irrigatio pedum per quam promeruit Maria dici et esse ejus dilecta ex quo pascuntur in aethere sancti

Angelico pollet decore haec et hi per Christum

Gloria patri et filio et spiritui sancto

Optimam partem*

Laudibus excelsis omnis mundus exsultat in solemnitate sanctae Mariae Magdalenae

Pectore sincero dominum Maria reconcens unxit purgantem baptismi gurgite sancto

Quod tecum captent aeterni munera regni pro famulis Christum posce Maria pium

Sustolle Maria supplicum in aetherae vota propriis quae meruisti fletibus dilui noxis

Intercede supplicans assidue pro nobis Jesum dominum Maria Magdalena

Jesu Christe*

Audi filia*

O mundi lampas et margarita praefulgida quae resurrectionem Christi nuntiando apostolorum apostola fieri meruisti Maria Magdalena semper pia exoratrix pro nobis adsis ad deum qui te elegit

Laudibis excelsis*

Flavit auster et fugavit aquilo nec quando lavit cor Mariae paenitentis umbrae sancti spiritus lique fecit et refecit resolutum in lamentis verbum missum caelitus

Fluminis impetus civitatem dei laetificavit

Gloria patri et filio et spiritui sancto

Jesu Christe*

Adjuvabit eam*

Fidelis sermo et omni acceptione dignus quia Christus Jesus venit in hunc mundum peccatores salvos facere et qui nasci dignatus est de Maria virgine tangi non dedignatus est de Maria peccatrice haec est illa Maria cui dimissa sunt peccata multa quoniam dilexit multum haec est illa Maria quae resurgentem a mortuis prima omnium videre meruit dominum nostrum Jesum Christum quem pro nostris reatibus oret quaesumus in aeternum

Recumbente Jesu in domo pharisaei Simonis accessit ad eum Maria Magdalena afferens pretiosi libram unguenti