Visionem quam vidistis nemini dixeritis donec filius hominis a mortuis victoriosus resurgat

Christum regem regum hodie transfiguratum venite adoremus dominum

???*

Accedentes discipuli ad dominum Jesum patris vocem audientes ceciderunt in facies suas

Inter duos vates tresque discipulos apparuit Jesus Christus dominus ut in ore duorum vel trium testum staret omne verbum

Quam discipuli vocem audierunt audientes valde timuerunt timentes in faciem ceciderunt

Caeli aperti sunt*

Assumptis hodie dominus Jesus tribus discipulis montem ut oraret subiit excelsum solusque orans coram eis transfiguratus est facies ejus ut sol resplenduit et vestimenta ejus ut nix facta sunt candida

Ut autem testimonium haberet ex lege et prophetis hinc inde cum eo Moyses et Elias visi sunt in majestate

Coram tribus discipulis transfiguratus dominus Moyses et Elias huic inde secum loquentibus ostendit se in majestate

Ut in ore duorum vel trium testium staret omne verbum

Assumens Jesus Petrum et Jacobum et Joannem fratrem ejus in montem excelsum cum eis seorsum ascendit ibi se transfigurans suam majestatem eis ostendit

Ne videntes ejus passionem turbarentur sed fortiori soliditate firmarentur

Gloria patri et filio et spiritui sancto

Caeli aperti sunt super eum et vox patris audita est hic est filius meus dilectus hunc audite

Vox de caelis sonuit et vox patris audita est hic est filius meus dilectus in quo mihi complacui ipsum audite

Domine bonum est nos hic esse si vis faciamus hic tria tabernacula tibi unum Moysi unum et Eliae unum

Benedicat nos deus deus noster*

Claruit magnitudo dei et virtus altissimi apparuit discipulis quoniam sic voluit transfigurari dominus excessus ut in ipsa claritate descenderet majestatem

Assumpsit Jesus tres discipulos suos in montem et facta est coram eis facies ejus sicut sol vestimenta ejus sicut nix

Discipuli Christi nube lucida obumbrati voce quem dei patris de nube clamantis perturbati in facies suas ceciderunt

Tante namquam reverende visionis noovitatem non ferentes

Hodie in monte transfigurato domino aperti sunt caeli et nubes praeclara super eum descendit et vox patris intonuit hic est filius meus dilectus in quo mihi complacuit

Intonuit de caelo dominus et altissimus super attonitos discipulos dedit vocem suam in nube tonantem

Gloria patri et filio et spiritui sancto

Visionem quam vidistis nemini dixeritis donec a mortuis resurgat filius hominis

Nemini dixeritis visionem hanc donec filius hominis a mortuis resurgat

Jesus ad discipulos jacentes accessit tetigit surgere praecepit ne timerent dixit eis qui surgentes praeter Jesum neminem viderunt

Intonuit de caelo*

Confirmandis et ad veri cultus scientiam proveliendis discipulis Moyses et Elias cum domino loquentes apparuerunt

Quoniam Christi evangelium a lege et prophetis testimonium constat habere

Videns Petrus Moysen et Eliam in gloria et Jesum in medio eorum sicut solem in virtute sua fulgentem ait domine bonum est nos hic esse si vis faciamus hic tria tabernacula tibi unum Moysi unum et Eliae unum

Petrus vero et qui cum illo erant valde laetificati viderunt majestatem domini et eos gloriosos hinc inde cum illo et ait ad Jesum Petrus

Descendentibus illis de monte praecepit Jesus dicens nemini dixeritis visionem quam vidistis donec a mortuis filius hominis resurgat

Ne mors ejus aliquo modo impediretur si haec visio statim in populis divulgaretur dixit

Gloria patri et filio et spiritui sancto

Verbo domini caeli*

Accessit Jesus et divinae vocis auditu prostratos tetigit discipulos suos dicens surgite et nolite timere

Ut testimonium haberet a lege et prophetis in medio Moysi et Eliae transfiguratus apparuit Jesus

Lex per Moysen signata est et prophetia per Eliam qui manifeste visi sunt cum domino fulgentes in monte et loquentes

... ut scelus non lateat et sanctus refulgeat