Post discessum beatissimi Martini episcopi beatus Briccius cathedram episcopalem suscepit

Tricesimo ordinationis suae anno oritur contra eum lamentabile crimen nam quaedam mulier quae cubiculariis vestimenta abluebat concepit et peperit et omne crimen super episcopum objiciunt

Illo quoque negante jussit afferri sibi infantem cumque oblatus fuisset triginta ab ortu habens dies ait ad eum Briccius adjuro te per deum ut si ego te generavi coram cunctis edicas

Respondens autem infans coram omni populo beato viro dixit non es tu inquit pater meus

Sanctus Briccius satisfaciens populo prunas ardentes ab urbe in birro suo deferens et ante sepulcrum beati Martini coram populo proiciens vestimentum ejus inustum apparuit

Jesu redemptor*

Justus germinabit*

Populis autem non credentibus sed ab episcopatu eum proicientibus Romam petiit flens et ejulans atque dicens merito haec patior quia peccavi in sanctum dei