Innocentes pro Christo infantes occisi sunt ab iniquo rege lactantes interfecti sunt ipsum sequuntur agnum sine macula et dicunt semper gloria tibi domine

Laetamini in domino*

Regem regum dominum venite adoremus quia ipse est corona sanctorum innocentium

Sanctorum meritis*

Herodes videns quia illusus esset a magis misit in Bethleem et occidit omnes pueros qui erant in ea et in omnibus finibus ejus

Christus infans non despexit suos coaetaneos milites sed provexit quibus dedit ante triumphare quam vivere

Arridebat parvulus occisori gladio adjocabatur infantulus nutricis locum attendebat lactans percussoris horrorem

Laetamini in domino*

Sub altare dei audivi voces occisorum dicentium quare non defendis sanguinem nostrum et acceperunt divinum responsum adhuc sustinete modicum tempus donec impleatur numerus fratrum vestrorum

Vidi sub ara dei animas sanctorum propter verbum dei quod habebant et clara voce dicebant

Effuderunt sanguinem sanctorum velut aquam in circuitu Jerusalem et non erat qui sepeliret

Vindica domine sanguinem sanctorum tuorum qui effusus est

Adoraverunt viventem in saecula saeculorum mittentes coronas suas ante thronum domini dei sui

Et ceciderunt in conspectu throni in facies suas et benedixerunt viventem in saecula

Norunt infantes laudare deum qui loqui non noverant fiunt periti laude qui fuerant imperiti sermone

Erigitur itaque infantium aetas in laude quae delictorum non noverat crimen

Dignus a dignis laudatur et innocens Innocentium testimonio comprobatur

Exsultent justi in conspectu*

Isti sunt sancti qui passi sunt propter te domine vindica eos quia clamant ad te cottidie

Vindica domine sanguinem sanctorum tuorum qui effusus est

Cantabant sancti canticum novum ante sedem dei et agni et resonabat terra in voces illorum

Sub throno dei omnes sancti clamant vindica sanguinem nostrum deus noster

Isti sunt sancti qui non inquinaverunt vestimenta sua ambulabunt mecum in albis quia digni sunt

Hi sunt qui cum mulieribus non sunt coinquinati virgines enim sunt

Dicunt domino laudes trucidati ab Herode lactentes loquuntur sanguine quia lingua non possunt passione canuit quia sermone non norunt occisi praedicant quod vivi non poterant

Licuit sanguine loqui quibus lingua non licuit miscent cum domino colloquia quibus humana negata sunt verba

Ecce vidi agnum stantem supra montem Sion et cum eo sanctorum milia et habebant nomen ejus et nomen patris ejus scriptum in frontibus suis

Justi autem in perpetuum*

Coronavit eos dominus corona justitiae quia passi sunt pro domino et sequuntur agnum

Amaverunt Christum in vita sua imitati sunt eum in morte sua

Ecce vidi agnum stantem supra montem Sion et cum eo sanctorum milia et habebant nomen ejus et nomen patris ejus scriptum in frontibus suis

Hi sunt qui cum mulieribus non sunt coinquinati virgines enim sunt

Centum quadraginta quattuor milia qui empti sunt de terra hi sunt qui cum mulieribus non sunt coinquinati virgines enim permanserunt ideo regnant cum deo et agnus dei cum illis

Hi empti sunt ex hominibus primitiae deo et agno et in ore eorum non est inventum mendacium

Te deum laudamus*

Gloriosus deus in sanctis suis*

Herodes iratus occidit multos pueros in Bethleem Judae civitate David

A bimatu et infra occidit multos pueros Herodes propter dominum

Vox in Rama audita est ploratus et ululatus Rachel plorans filios suos

Sub throno dei omnes sancti clamant vindica sanguinem nostrum deus noster

Cantabant sancti canticum novum ante sedem dei et agni et resonabat terra in voces eorum

Rex gloriose martyrum*

Justorum animae in manu*

Hi sunt qui cum mulieribus non sunt coinquinati virgines enim sunt et sequuntur agnum quocumque ierit

Tecum principium*

Verbum caro*

A solis ortus*

Tamquam sponsus*

Hi sunt qui venerunt ex magna tribulatione et laverunt stolas suas et dealbaverunt eas in sanguine agni

Herodes iratus*

Christus infans*

Arridebat*

Dignus a dignis*

Dicunt domino laudes*

Licuit sanguine*

Ecce vidi*