Hoc nunc os ex ossibus meis et caro de carne mea

Dum deambularet dominus in paradisum ad auram post meridiem clamavit et dixit Adam ubi es audivi domine vocem tuam et abscondi me

Vocem tuam audivi in paradiso et timui eo quod nudus essem

In sudore vultus tui vesceris pane tuo dixit dominus ad Adam cum operatus fueris terram non dabit fructus suos sed spinas et tribulos germinabit tibi

Pro eo quod oboedisti voci uxoris tuae plus quam meae maledicta terra in opere tuo

Ubi est Abel frater tuus dixit dominus ad Cain nescio domine numquid custos fratris mei sum ego et dixit ad eum quid fecisti ecce vox sanguinis fratris tui Abel clamat ad me de terra