Introibo ad altare dei sumam Christum qui renovat juventutem meam

Cibavit nos dominus ex adipe frumenti et de petra melle saturavit nos

Ex altari tuo domine Christum sumimus in quem cor et caro nostra exsultavit

Educat panem de terra*

Qui manducat carnem meam et bibit meum sanguinem in me manet et ego in eo

Non est alia natio tam grandis quae habeat deos appropinquantes sibi sicut adest nobis deus noster

Misit me vivens pater et ego vivo propter patrem et qui manducat me vivet propter me

Cibavit eum dominus pane vitae et intellectus

Unus panis et unum corpus multi sumus omnes qui de uno pane et de uno calice participamus

Parasti in dulcedine tua pauperi deus qui habitare facis unanimes in domo

Gloria patri et filio et spiritui sancto